Чинин кIалубдиз, рахунин тегьердиз, къекъуьнин еришдиз, хесетдиз, къилихдиз ва маса ерийриз килигна, инсандикай рахадайла, лугьуда: ам вичин бубадал, дидедал ва тухумдин маса векилрал атанвайди я. Эгер чна дериндай дикъет гайитIа, са бязи инсанрин амалар, хесетар чпин тIварариз килигайбурни жезва. Чи макъаладин кьилин игитдин тIвар Секинат я. Секинат – секин къилихдин инсан.