Меню
6+

Сетевое издание «Кюре»

18.10.2020 11:47 Воскресенье
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Зулунни хъуьтIуьн сезондиз гьазур я

Алай йисан 14-октябрдиз Сулейман-Стальский райондин Кьил Нариман Абдулмуталибован председателвилик кваз нубатдин совещание кьиле фена.

Адан кIвалахда райадминистрациядин Кьилин заместителри, къуллугърин руководителри, талукь къуллугърин векилри, иштиракна. Хуьрерин поселенийрин администрацийрин кьилерихъ галаз арада мензил аваз алакъа тайинарнавай.

Совещанидал ЖКХ-дин ва яшайишдин хилен объектар зулунни хъуьтIуьн чимивилин сезондиз гьазур хьунин месэладиз килигна. И месэладай архитектурадинни эцигунрин ва ЖКХ-дин отделдин начальник Виталий Алисенова гегьенш доклад авуна. Ада къейд авурвал, муниципальный райондин идарайри ва карханайри зулунни хъуьтIуьн сезондиз гьазурвилер акунин рекьяй тайин кIвалах тухванва. Кьилди къачуртIа, образованидин, административный дараматра, организацийра ва карханайра ремонтринни-эцигунрин кIвалахар тухвана. Къейдна кIанда хьи, пулунин такьатрин патахъай кьитвилизни килиг тавуна, вири идарайра ремонтрин, гьазурлухвилин кIвалахар чпин вахтара ва бес кьадарда тухвана. Образованидин организацийри иллаки еке кIвалах тухвана.

ЦIийи Макьарин, ДаркIуш-Къазмайрин, Вини СтIалрин, Курхуьруьн ва Герейханован хуьруьн 1-нумрадин, КIварчагърин, НуьцIуьгърин, Экенрин юкьван школайра цIаяр кьунриз акси къурулушар эцигна, Кьулан СтIалрин, Испикрин, Курхуьруьн, Чуьхверхуьруьн, Агъа Хъартасрин, Вини Хъартасрин, Сийидрин, Алкьвадрин школайра чимивал гудай пичер дегишарна.

И жигьетдай тайин кIвалахар райондин культурадин идарайрани тухванва.

Райондин центральный больницада чимивал хуьдай ва санитариядин еке кIвалах тухвана. Райондин медицинадин 40 идарадикай 23-даз газ тухванва, амайбуруз чими ийидай вири вахтунда кIарасар къачудай пулунин такьатар чара авунва.

Зулунни хъуьтIуьн сезондиз хуьрерин поселенийра райондин газдин къуллугъда, 32-нумрадин ДЭП-дани талукь тир гьазурвилер акунва. Санлай къачурла, райондин яшайишдинни коммунальный майишатар зулунни хъуьтIуьн чимивилин сезондиз гьазур я.

Совещанидал алай месэладай алава рахунар райондин образованидин управленидин начальник Гьуьсейн Шихбабаева, культурадин отделдин начальник Майрудин Бабаханова, газрин къуллугъдин начальник Муслим Алиметова, ДЭП-дин генеральный директор Игзам Бремова, Кьасумхуьруьн РЭС-дин кьилин инженер Марат Шамхалова авуна.

Асият Мирзалиева,

Хазран Кьсумов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

1