Меню
6+

Сетевое издание «Кюре»

15.02.2021 13:40 Понедельник
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Футбол вилик тухуда

Сулейман-Стальский райондин Кьил Нариман Абдулмуталибов и йикъара Дагъустан Республикадин милли футболдин лигада (НФЛ) иштиракзавай чи райондин «Кюре» ва Ашага-Стал» футболдин командайрин тренеррихъ ва футболистрихъ галаз гуьруьшмиш хьана.

Дагъустандин НФЛ-дин чемпионатда ва Кубок патал акъажунра республикадин шегьеррин ва районрин 15 командади иштиракзава. Финалдал кьван 9 къугъун ама.

7-февралдиз, вад лагьай турда, «Кюре» командади 3:1 гьисабдалди гъалибвал къачуна, «Ашага-Стал» команда Къизилюрт райондин «Меридиан Энерго» командадал гъалиб хьана.

НФЛ-дин таблицада «Ашага-Стал» команда 3-чкадал ала, «Кюре» командади къачунвай очкояр гьисаба кьурла, ягъай тупар тIимил хьуниз килигна, «Вайнах» командадихъ галаз кIвенкIвечивал пайзава.

Райондин Кьил Нариман Абдулмуталибова футболистрин ва тренеррин алакьунриз еке къимет гана.

- Чи райондин командайри республикада кIвенкIвечи чкаяр кьуни, чак шадвал кутазва, — къейдна райондин Кьили. – Завай лугьуз жеда хьи, мумкинвилер командайрихъ мадни ава. Агалкьунар авазва, ида районда футбол вилик тухуниз куьмекзава.

Гуьруьшдал Н. Абдулмуталибова командайрин тренерриз къиметлу пишкешар гана.

Райондин спорткомитетдин директордин заместитель Муслим Селимова «Улей» тIвар алаз тухудай райондин Кубок патал акъажунриз аквазвай гьазурвилерикайни ихтилатар авуна.

Хазран Кьасумов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

10