Конкурсдин нетижаяр кьуна

Конкурс кьве номинациядай кьиле фена: «Лезги чIал – дидед чIал» ва «Зи лезги чIал – зи хазина». Конкурсда 4-9-классрин аялри иштиракна.

Жюридин комиссиядик МКУ «ИМЦ»-дин методист Назират Азимова, лезги чIалан ва литературадин муаллимар тир Гюзел Меджидова (М. Рагьимован тIварунихъ галай Курхуьруьн СОШ), Маржанат Тагьирова (Р. Халикьован тIварунихъ галай Кьулан СтIалрин СОШ), Раиса Алиметова (М. Дибирован тIварунихъ галай Герейханован СОШ) ва Аксинья Жаватова (ЦIийихуьруьн СОШ) квай.

И конкурсда 4 классрин аялрикай 1-чка Мадрид Исламова (АгъастIал-Къазмайрин СОШ), 2-чка Саида Сирхаевади (Кьулан СтIалрин СОШ) ва Шафидин Жаватова (ЦIийихуьруьн СОШ) ва 3-чкани Рамиз Рамазанова (Вини-СтIалрин СОШ) ва Сурехьи Велиевади (Зухрабхуьруьн ООШ) кьуна.

9-классрин аялрикай 1-чка Фатима Абдулувагьабовади (Герейханован СОШ), 2-чка Аида Рамазановади (ЦIийихуьруьн СОШ), Милана Абдулмежидовади, (М. Караханован тIварунихъ галай КIварчагърин СОШ), 3-чкани Аминат Садыковади (Уллугъетягърин СОШ), Севиля Шихкеримовади (Сийидхуьруьн СОШ) ва Гьуьруьпери Гьажиевади (АгъастIал-Къазмайрин СОШ) кьуна.

Гъалибчийриз РУО-дин начальникдин заместитель Къачабег Аминова мубарак авуна, грамотаяр гана ва абурухъ агалкьунар хьун чпин мурад тирди лагьана.