Коронавирусдин тIугъвалдикай хуьн патал
10-февралдиз райондин Кьил Нариман Абдулмуталибован регьбервилик кваз коронавирусдин аксина агьалийриз рапар ягъунин жигьетдай гьазурлухвилинни гъавурда тунин кIвалахрин план веревирд авуна.
Совещанида райадминистрациядин Кьилин заместителри иштиракна, къурулушдин подразделенийрихъ, АСП-рин кьилерихъ галаз видеоконференцалакъа тайинарнавай.
План-графикдихъ, вакцинация авунин (рапар ягъунин) жигьетдай гьазурлухвилинни гъавурда тунин ва райондин территорияда авай эпидемиологический гьалдин гьакъиндай информация гваз общественный хатасузвилин рекьяй райадминистрациядин Кьилин заместитель Абуталиб Фатулаев рахана. Ада къейд авурвал, коронавирусдиз талукь антителаяр кватIа чириз 180 кас ахтармишнава. 129 касдин нетижаяр хтанва: 65 – положительный ва 64 – отрицательныйбур. Алай вахтунда 19 касдиз коронавирусдиз акси рапар янава. Гьа жигьетдай яз 11 медработникдиз, 4 кас райадминистрациядин къуллугъчийриз, ОМВД-дин 3 работникдиз 18 касди чпиз рапар ягъиз тунач, гьикI хьи, и кIвалах гуьгьуьллувилинди я, 8 касдизни гьар себебралди рапар ягъун акси яз къалурнавай.
Рапар ягъунин 2-этапда 3 медработникдиз рапар яна. Санлай кьурла, и важиблу серенжем чи районда яваш еришралди кьиле физва. А карни къейд ийиз кIанзава хьи, райондин Кьили районда сад лагьайди яз и тIугъвалдиз акси раб вичиз ягъиз туна.
Эхирдай Абуталиб Фатулаев районда арадал атанвай эпидемиологический гьалдални акъвазна.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
