Меню
6+

Сетевое издание «Кюре»

24.02.2021 14:14 Среда
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Аскеррин-интернационалистрин югъ къейдна

15-февралдиз Кьасумхуьрел, аскеррин-интернационалистрин аллеяда, Афгъанистандай Советрин кьушунар ахкъудайдалай инихъ 32 йис тамам хьуниз талукьарнавай рикIел хкунин митинг кьиле фена.

Ам 1979-1989-йисара Афгъанистада кьиле фейи вакъиайрин иштиракчияр хьа йи аскерриз-интернационалистриз аллеяда ачухнавай памятникдал цуьквер эцигунилай башламишна. Лишанлу и карда райондин Кьил Нариман Абдулмуталибова, организацийринни подразделенийрин руководителри, аскеррин-интернационалистрин Советдин председатель Ислеман Ризаева, Афгъанистандин дяведин ветеранри, ЦIийи поселокдин юкьван школадин юнармейцийрин отрядди, общественностдин векилри иштиракна.

Са декьикьада кисна акъвазуналди, митингдин иштиракчийри Афгъанистанда кьиле фейи женгера телеф хьайи аскерар-интернационалистар рикIел хкана, гуьгъуьнлай Россиядин Гимн яна.

Мярекат ачухунин сифте гаф райондин Кьил Нариман Абдулмуталибов рахана, Ватандин вилик чпин аскервилин буржи кьилиз акъудай аскеррин-интернационалистрин кьегьалвилер къейдна.

- Къе чна Афгъанистанда кьиле фейи, телефвилер гъайи вакъиаяр рикIел хкизва, — лагьана Н. Абдулмуталибова. – Ана иштиракай чи аскерриз чна гьуьрметзава, абуру викIегьвал, жумартвал, халис ватанпересвал къалурна, гьа идалди абуру чпин аскервилин ва гражданвилин буржи кьилиз акъудна. Чи районэгьлияр тир кьуд кас – Абдул Саидов, Гьажи Селимов, Гуьлмегьамед Къурбанов ва Раидин Османов яргъал тир ва чара уьлкведи къизгъин женгера игитвилелди телеф хьана. Чпин чанар гуналди Ватандин вилик пак буржи кьилиз акъудай кьегьалар чи рикIера гьамишалугъ яз амукьда. Чна къенин юкъузни абур рикIел хкизва, абурун диде-бубайриз, багърийриз аферин лугьузва.

Митингдал Ислеман Ризаев, КЦСОН-дин къуллугъчи З. Селимова рахана, абуру Афгъанистандин вакъиаяр рикIел хкана.

Райондин Кьил Нариман Абдулмуталибова шад гьалара Афгъанистандин дяведин ветеранар тир Ислеман Ризаевав, Казбек Манатовав ва Расим Эмирбековав, «Куьредин хабарар» газетдин работник Шагь Шабановав, А. Саидован тIварунихъ галай Эминуьруьн юкьван школадин директор Рагьман Османовав ва А. Исрафилован тIварунихъ галай Курхуьруьн 2-нумрадин юкьван школадин пионервожатый Гьуьруьханум Саругълановадив Чухсагъулдин чарар вахкана.

Митингдал райондин вири аскеррив-интернационалистрив рикIел аламукьдай медалар, дяведа телеф хьайи аскеррин багърийрив КЦСОН-дин патай анин къуллугъчи Залева Селимовади пишкешар вахкана.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

0