Метлеблу мярекат тухвана
Россиядин аскеррин-интернационалистрин йикъаз талукьарна райондин КЦСОН-дин (директор А. Бабаев) яшлу инсанар ва нивалидар йикъан вахтунда кьабулдай отделдин пешекар Залева Селимовади «Куьредин хабарар» газетдин редакцияда рикIел аламукьдай ва метлеблу мярекат кьиле тухвана.
Сифтедай З. Селимовади Афгъанистанда кьиле фейи вакъиайрикай, ана чи райондай иштиракай, кьегьалвилер къалурай аскеррикай-интернационалистрикай, тайин делилар ва мисалар гъиз, метлеблу рахунар авуна.
З. Селимовади гьакIни «Афгъанвийрин» ва дяведа телеф хьайибурун хизанрин гьакъиндай райондин Кьил Нариман Абдулмуталибова, райондин талукь къуллугъри, гьабурукай яз КЦСОН-ди къайгъударвал ийизвайдини къейдна.
Афгъанистандин дяведикай, чи районэгьлияр тир аскеррикай рикIел хкунар гваз мярекатдал газетдин кьилин редактор Асият Мирзалиева, отделрин заведующияр тир Абидин Камилов, Хазран Кьасумов, районда кардик квай
«Афгъанвийрин» Советдин председатель Ислеман Ризаев, «Куьредин ярар» культурадин центрадин руководитель Агьмедпаша Агьмедпашаев, хуьруьн мухбирар тир Райсудин Набиев, Вадим Жамалдинов рахана.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
