Зи Дагъустан

Са пад дагъ я, кьилни рехи,

Са пад гьуьл я, тIварни Каспи,

Кьуд пад мублагь чуьллер я ви,

Хайи ватан, зи Дагъустан.

Авар, лезги, яхул, дарги,

Са стхаяр язва вири,

Ви миллетар хьурай дири,

КIани ватан, зи Дагъустан.

Дагъларин вун язва уьлкве,

Тамам асир фенвай рекье,

Гьар са карда авай кIвенкIве,

Багъри ватан, зи Дагъустан.

Куьре, ЯркIар – Кьибле пата,

«Сарыкъумни» — Кефер пата,

Меркезни тир Махачкъала,

Азиз ватан, зи Дагъустан.

И чIал кхьей Ялцугъ Хазран,

Вун акваз зун жезва кIубан,

Мадни хьурай вун авадан,

Хайи ватан, зи Дагъустан.

Хазран Кьасумов