Коронавирусдиз акси рапар язава
4-февралдиз ЦРБ-да чи районда сифтегьабурукай сад яз райондин Кьил Нариман Абдулмуталибоваз коронавирусдиз акси раб яна. 21 йикъалай адаз 2-рабни яда.
Рапар ядалди вилик духтур-терапевтди ахтармишун кьиле тухвана: сатурация, давление, бедендин температура ахтармишна. Райондин Кьилихъ галаз санал и юкъуз общественный хатасузвилин рекьяй райадминистрациядин Кьилин заместитель Абуталиб Фатулаеваз ва РУО-дин начальник Гьуьсейн Шихбабаевазни рапар яна.
Нариман Абдулмуталибова районда эпидемиологиядин гьалар хъсанарун патал рапар ягъун, вакцинация кьиле тухун важиблу кар тирди къейдна.
«И рапарихъ ихтибарвал ава. Россиядин вакцина ахтармишун агалкьунралди кьиле фена ва дуьньядин гзаф уьлквейра ахтармишунар кьиле тухузва ва ишлемишзава. Рапар ягъун гуьгьуьллувилин кар я. Обществодин вилик чна чи жавабдарвал гьисс авун герек я, — къейдна райондин Кьили».
(Чи корр.)
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
