Меню
6+

Сетевое издание «Кюре»

05.02.2021 14:30 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

ТКО кIватI хъувунин месэладиз килигна

Мукьвал йикъара Сулейман-Стальский райондин Кьил Нариман Абдулмуталибова ДР-дин тIебиатдин министерстводин векил Гьасан Сайпуллаевахъ ва тIебиатдин ресурсрикай менфят къачунин районрин уртах комитетдин руководитель Рамиз Велиевахъ галаз тухвай гуьруьшдал яшайишда арадал къвезвай кIеви амукьаяр (ТКО) кIватI хъувунин ва хутахунин месэлаяр веревирдна.

Гуьруьшда райадминистрациядин Кьилин заместителри ва «Касумкентсервис» ООО-дин директор Гъалиб Фатахова иштиракна.

Совещание ачухуналди Нариман Абдулмуталибова региональный оператор яз хьайи «Экологи-Ка» ООО-дивай райондин территориядал ТКО кIватI хъувунин ва хутахунин рекьерай кIвалах тешкилиз тахьайдакай, тайин мисалар ва делилар гъиз, гегьенш рахунар авуна. И чIуру гьал фикирдиз къачуна, ДР-дин тIебиатдин ресурсрин ва экологиядин министерстводи регионрин операторрихъ галаз авай икьрарар акъвазарна.

Кьилди къачуртIа, райондин территориядал яшайишда арадал къвезвай кIеви амукьаяр вахчунин ва хутахунин жигьетдай региондин оператор «Экологи-Ка» ООО-ди 2019-йисан сифтедилай икьрардин истемишунар кьилиз акъуднач. Зирзибил вахтуналди кIватIзавай чкадилай 2 йисан къене региональный операторди анжах са сеферда 100 кубдин кьадарда аваз ТКО хутахна. Са вацран къене лагьайтIа, анал 1700-2000 куб яшайишда арадал къвезвай кIеви амукьаяр кIватI жезва. Икьрардин бинедаллаз региондин операторди гьар гьафтеда ТКО вахчун ва хутахун лазим тир. Оператордилай кIвалах ва кIеви амукьаяр хутахунай агьалийривай къачузвай пул кIватIунин менфятлу къайда тешкилизни хьанач. КIватIай пул гьиниз фенатIа чир хьанач, пул махсус организациядал агакьнач. Республикадин талукь къуллугърини и кардиз фикир ганач.

Райондин Кьил Н. Абдулмуталибова къейд авурвал, Кьиблепатан территориальный округда региональный оператордин везифаяр вахтуналди Дербент шегьердин «Горсервис» МБУ-дин хиве тунва, ада чкайрал алай сервисдин къуллугърихъ галаз алакъада аваз кIвалахда. Сулейман-Стальский райондин сервисдин къуллугъ тир «Касумкентсервис» ООО «Горсервис» МБУ-дихъ галаз икьрар кутIуниз ва гележегда санал кIвалах авуниз гьазур я.

Чпихъ яргъал тир гележег авай цIийи операторар тайинарун патал ДР-дин Минприродади йисан эхирдалди аукционар тухуда.

Сулейман-Стальский райондин руководстводи ва ДР-дин Минприродадин векилри малумарайвал, гележегда Сулейман-Стальский, Хив, Агъул, Кьурагь районра региональный оператордин статус «Касумкентсервис» ООО-ди къачун мумкин я. И рекьяй адахъ бес кьадар тежриба авазва.

Районда йиса 15 тонн гьялдай зирзибил кIватIдай комплекс ва вахтуналди ТКО хуьдай комплекс эцигунизни гьазурвилер аквазва. И кар патал Кьасумхуьруьн АСП-дин территориядал чилин участок чара авунва.

ТКО-дин полигондин проектар гьазурунин ва эцигунин, гьакIни «Чистый район» пилотный проект уьмуьрдиз кечирмишунин карда меценатрини иштиракда. Алай вахтунда 7 миллионни 200 агъзур манатдин къимет авай проектдинни-сметадин документация гьазурунин, полигондин территория ахтармишунин, лицензия къачунин ва маса везифаяр вилик акъвазнава.

ДР-дин Минприродадин векилри санитариядин жигьетдай райондин территориядал алай гьалариз хъсан къимет гана.

Совещанидал Нариман Абдулмуталибова вичи санитариядинни-эпидемиологиядин къулай шартIар хуьн таъминардай «Чистый район» пилотный проектда иштиракунихъ авай метлеблувални къейдна. «Рекьерин картадихъ» галаз кьадайвал, пилотный проект уьмуьрдиз кечирмишунин сергьятра аваз райондин территориядал тайин кIвалах тухванва, рабочий группа тешкилнава, хуьрерин поселенийрин администрацийри ТКО кIватIдай реестрар ва схемаяр тестикьарнава, контейнеррин майданар патал чилерин 115 участок арадал гъанва, хейлин маса кIвалахар авунва.

Х. Гьажибалаев

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2