COVID – 19 тIугъвалдин аксина
Чаз райондин сайтди хабар гайивал, 11-мартдалди районда коронавирусдин аксина рапар ягъунин 2-этапда райондин 65 кас агьалийриз рапар янава.
Ида икьван чIавалди тIугъвалдин аксина рапар янавай чи вири агьалийрин 26 процент тешкилзава. Асул гьисабдалди абур медицинадин идарайрин, образованидин тешкилатрин ва муниципальный къуллугърин работникар я. Абурун арада гьакIни райондин жергедин агьалиярни тIимил авач.
Рапар ядалди ви лик, сифтегьан раб ягъайдалай гуьгъуьниз хьиз, абуруз духтур-терапевт килигна, давление, пульс, температура ва сатурация ахтармишна. Вири и серенжемрилай гуьгъуьниз пациентриз кьвед лагьай компонентдин рапар яна. Яни тIугъвалдин аксина сифтегьан раб янавай 248 касдикай 65 касдиз кьвед лагьай раб яна.
Коронавирусдин аксина рапар ягъун вич гуьгьуьллу кIвалах ятIани, чна гьар сада, са бязи уьлквейра и жигьетдай арадал атавай чIуру гьал фикирда кьуна, чи ва гьакIни чи багърийрин сагъламвал хуьн патал жавабдарвал хкажун, тIугъвалдик начагъ тахьун патал мукъаятвал хуьн, Роспотребнадзордин истемишунрал кIевелай амал авун герек я.
Куьре Абид
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
