Меню
6+

Сетевое издание «Кюре»

12.03.2021 11:46 Пятница
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Низам, ахлакь хъсанарин

Кьасумхуьруьн 1-нумрадин юкьван школада 9-11-классра кIелзавайбурун диде-бубайрин собрание кьиле фена.

Райондин Кьил Нариман Абдулмуталибован тапшуругъдалди тухвай собранидал алай йисан I9-февралдиз Каспийскдин 3-нумрадин юкьван школада кьиле фейи вакъиадиз – чIехи классрин аялри гъвечIи классрин аялар гатунихъ – галаз алакъалу месэла веревирдна.

Сифтедай анал школадин директордин заместитель Саимат Селимовади ОГЭ-диз ва ЕГЭ-диз аквазвай гьазурвилерикай суьгьбет авуна.

Собранидал алай асул месэладай школадин муаллим-психолог Таисия Дадашева, медиациядин къуллугъдин руководитель, 9 «а» классдин руководитель Жамиля Омарбекова, «ИМЦ» МКУ-дин директордин заместитель Венера Абдуселимова, школадин директордин заместитель Айишат Кьасумова, ОМВД-дин ПДН-дин старший инспектор Валерий Ибрагьимов, ОМВД-дин участковый уполномоченный Ризван Гьажалиев ва маса юлдашар рахана. Абуру Каспийскдин школада хьайи чIуру кIвалах пислемишна, школада кIелзавайбурун арада низам, ахлакь хъсанарун, абурун арада профилактикадин кIвалах тухун чарасуз тирди къейдна, и жигьетдай меслятар къалурна, теклифар гана.

Ихьтин диде-бубайрин собранияр графикдин бинедаллаз райондин умуми образованидин амай школайрани тухуда.

Асият Мирзалиева

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

13