Меню
6+

Сетевое издание «Кюре»

18.03.2021 10:03 Четверг
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Оперативный штабдин заседанида иштиракна

Алатай гьафтеда «Сулейман-Стальский район» муниципальный райондин Кьил Нариман Абдулмуталибова ва райондин центральный больницадин кьилин духтур Жафер Къурбанисмаилова ДР-дин Кьилин везифаяр вахтуналди тамамарзавай Сергей Меликова ВКС-дин къайдада тухвай коронавирусдин вилик пад кьунин Оперативный штабдин заседанида иштиракна.

Заседанидал Оперативный штабдин протоколдин тапшуругъар кьилиз акъудунин, госучрежденийра коронавирусдиз акси рапар ягъунин, санитариядинни эпидемиологиядин гьалариз, и тIегъуьн чукIунин вилик пад кьун патал кьабулзавай алава серенжемриз, еридин медицинадин куьмек гунин, агьалийриз тIегъуьндиз акси рапар ягъунин, гьакIни пандемиядин вахтунда гьяждал фин тешкилунин месэлайриз килигна.

Роспотребнадзордин региональный руководитель Николай Павлова лагьайвал, эхиримжи делилралди Дагъустанда коронавирусдин инфекция акатай 30224 дуьшуьш регистрация авунва, эхиримжи йикъара -39. Яни республикада юкьван гьисабдалди суткада начагъ жезвайбурун кьадар агъуз аватдай мумкинвал гана. 21 муниципалитетда гьалар дурумлубур я, 10 муниципалитетда, гьабурукай яз Сулейман-Стальский райондани, коронавирусдик эхиримжи йикъара начагъ хьайибур малум туш.

ДР-дин здравоохраненидин министрдин везифаяр вахтуналди тамамарзавай Татьяна Беляевади къейд авурвал, республикадин стационарра начагъ 861 кас (пациент) ава, абурукай 271 кас 65 йисалай виниз яш хьанвайбур я. Мукьвал тир алатай йикъара 63 кас больницайра къаткурна.

Гьа са вахтунда, Татьяна Беляевади лагьайвал, Дагъустанда вакцина куьтягь хьанвай чкаярни ава. Абур хкунин патахъай серенжемар кьабулзава, вакцинадин гуьгъуьнин партия хкидай вахт тайинарнава.

Къейд авун лазим я хьи, Сулейман-Стальский районда коронавирусдин инфекция чукIун агъуз аватунин гьалар дурумлубур я. Райондин ЦРБ-дин оперативный хабаррай, 4 кас кIвалера медицинадин рекьяй гуьзчивилик ква. Алай вахтунда районда COVID-дик начагъбур регистрация авунвач.

Районда антителар кватIа чирун патал саки 480 кас ахтармишнава, 248 касдиз рапар янава. Асул гьисабдай абур медработникар, райондин ва хуьрерин администрацийра, ОМВД-да, социальный хилера ва маса организацийра кIвалахзавайбур я. Чпин хушуналди рапар райондин адетдин агьалийризни язава. Кьвед лагьай рапар 65 касди янава.

Алай вахтунда райондин ЦРБ-да коронавирусдиз акси рапар (вакцина) куьтягь хьанва.Мукьвал йикъара вакцинадин цIийи партия хкида, агьалийриз рапар ягъунин кIвалахдин серенжемар давамда.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5