Гьукуматдин программаяр гьикI кьилиз акъудзава?

Совещанидал муниципалитетда 2019-2020-йисара госпрограммаяр ва милли проектар кьилиз акъудай гьалдикай ва 2021-йисуз и жигьетдай вилик акъвазнавай планрикай талукь къуллугърин руководителри гьахъ-гьисабар авуна.

«Демография» милли проект кьилиз акъудуникай УСЗН-дин руководителдин везифаяр вахтуналди тамамарзавай Анфиса Эмиралиевади, ЦЗН-дин руководитель Назир Абдулгьамидова, РФ-дин Пенсионный фондунин Сулейман-Стальский районда авай управленидин руководитель Лаврида Шерифовади, спортдин, туризмдин ва жегьилрин крарай Комитетдин директор Надыр Эфендиева ва ЦРБ-дин кьилин духтур Жафер Къурбанисмаилова гьахъ-гьисаб авуна.

Лаврида Шерифовади лагьайвал, «Демография» проектдай арзаяр кхьей 2650 касдиз 3-7 йисан яшарин аялриз гьар вацран пулар яз санлай 192 979 800 манат гана. Бязи ксарал и пулар агакь тавун документар дуьз къайдада гьазур тавунихъ галаз алакъалу я.

И милли проектдай материнский (хизандин) капитал сад лагьай аялдизни гузва, 2020-йисуз ада 446 617 манат тешкилна. Кьвед лагьай ва гуьгъуьнин аялриз (гьар садаз) 616 617 манат гана. 2021-йисалай материнский (хизандин) капиталдай сад лагьай аялдиз гузвай пулунин кьадарди 483 881 манат, кьвед лагьай ва гуьгъуьнин аялриз гузвай пулунин кьадарди 639 431 манат тешкилзава.

Назир Абдулгьамидова къейд авурвал, «Демография» милли проектдин хиляй «Старшее поколение» программа уьмуьрдиз кечирмишна. И программадай пенсиядилай вилик квай яшарин 23 кас пешекарвилин рекьяй чирвилер ва алава чирвилер къачун патал ракъурна.

Надыр Эфендиева лагьайвал,, районда физический культурадал ва спортдал машгъул жезвайбурун кьадар йисандавай-суз артух жезва. 2019-2020-йисара спортдал машгъулбуру райондин агьалийрин 38 процент тешкилна, 2024-йисалди и рекъем 55 процентдив агакьарда.

«Демография» милли проектдай ЦРБ-дини тайин кIвалах тухвана, — лагьана Жафер Къурбанисмаилова.

«Здравоохранение» милли проектдай 2019-йисуз Цмурдал модульный ФАП, 2020-йисуз ЦIийи Испика модульный ФАП эцигна. Алай вахтунда Герейханован хуьре участоковый больница ремонтна акьалтIарзава.

Жафер Къурбанисмаилова алава хъувурвал, ЦРБ-ди «Бережливая поликлиника» пилотный проектдани иштиракзава. Адан сергьятра аваз 2020-йисан декабрдин вацра аялрин поликлиникада ремонтрин кIвалахар башламишна.

«Земский доктор» госпрограммадай эхиримжи 2 йисуз 5 пешекар кIвалахдалди таъминарна.

«Культура» милли проект уьмуьрдиз кечирмишуникай райондин культурадин отделдин начальник Майрудин Бабаханова рахунар авуна. Ада лагьайвал, райондин культурадин кьве идаради (И. Тагьирован тIварунихъ галай ЦТКНР-ди ва аялрин музыкальный школади) «Развитие культуры в Республике Дагестан» госпрограммада «Поддержка отрасли культуры» хиляй иштиракна. И идараяр вилик тухун ва анрин материально-технический база мягькемарун патал субсидияр къачуна.

Райондин образованидин управленидин начальикдин заместитель Къачабег Аминов «Образование» милли проектдай районда тухузвай кIвалахрал гегьеншдиз акъвазна. ИкI, ада лагьайвал, 2019-2020-йисара «Современная школа» федеральный проектдай 7 школада цифровой образованидин ва гуманитарный профилдин «Точка роста» Центраяр тешкилна, ихьтин Центраяр ачухун патал Цмуррин, Кьасумхуьруьн 2-нумрадин ва ЦIийи поселокдин СОШ-рин патай арзаяр атана.

2019-йисуз ДР-дин Кьилин «150 школа»» проектдай 5 школа, 2020-йисуз «100 школа»» проектдай 4 школа ремонтна.

Районда «Экология», «Безопасные и качественные автомобильные дороги» ва «Жилье и городская среда» милли проектрай тухузвай кIвалахрикай УКС-дин начальник Роберт Мейланова ва АС-динни ЖКХ-дин отделдин начальникдин заместитель Шихзагьир Гьажимурадова гьахъ-гьисабар авуна. Малум хьайивал, «Безопасные и качественные автомобильные дороги» проектдай 2020-йисуз «Мамрач-Ташкапур-Араканский мост» автомагистралдин 0 км. – 15 км. участокда капитальный ремонтар кьиле тухвана, «Комфортная городская среда» программадай 2019-йисуз Кьулан СтIалдал, Испика ва ЦIийи Макьарал общественный территорияр дуьзмишна, 2020-йисуз Герейханован 1-отделенида ва Эминхуьре паркар-скверар эцигна, Агъа-СтIалрин территорияда обелиск цIийикIа туькIуьр хъувуна.

«Комплексное» развитие сельских территорий», «Благоустройство сельских территорий» программайрай ва «Чистая вода» пилотный проектдайни районда са кьадар кIвалахар тухвана.

Совещанидал «Малое и среднее предпринимательство» милли проектдай тухузвай кIвалахрикай райадминистрациядин экономикадин отделдин начальник Саният Вагьабовади, «Цифровая экономика», «Международная кооперация и экспорт» ва «Производительность труда» милли проектрай тухузвай кIвалахрикай райадминистрациядин Кьилин заместитель Саид Темирханова ва райадминистрациядин Кьилин советник Сергей Азимова гьахъ-гьисабар авуна.

Совещанидин нетижаяр райондин Кьил Нариман Абдулмуталибова кьуна.

Асият Мирзалиева,

Хазран Кьасумов