Меню
6+

Сетевое издание «Кюре»

19.03.2021 09:25 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Конкурсдин гъалибчи

Россиядин Игит Радим Халикьован тIварунихъ галай Кьулан СтIалрин юкьван школада хъсан къиметар аваз кIелзавай, общественный уьмуьрда активвилелди иштиракзавай, чешнелу ахлакь авай аялар гзаф ава.

Абурукай яз чавай 8 «б» классдин ученик Амирхан Шахбазован тIвар кьаз жеда.

Амирхан школада ва районда тухвай олимпиадайрин гъалибчи ва призер я. ИкI, районда лезги авторрин шиирар устаддаказ хуралай кIелунай тухвай конкурсда приздин чка кьур А. Шахбазоваз мергьеметлувилин «Умуд» фондунин Гьуьрметдин грамота ва Дагъустандин халкьдин шаир Майрудин Бабаханова гьазурнавай лезги ва урус чIаларин словарь гана.

А. Шахбазова вичин алакьунар райондин умуми образованидин школайра кIелзавайбурун арада тухвай «Чи булахар – чи чешмеяр» конкурсдани къалурна, ада 1-чка кьуна.

Хуьруьн мулкуна авай булахрин, кьилди къачуртIа, «Кпул ятар» участокда чиликай хкатзавай ятарин менфятлувиликай Амирхана кхьей сочинение республикадин конкурсда 2-чкадиз лайихлу хьана.

Амирхан Шахбазоваз ва адан проектдин руководитель муаллим Мислимат Османовадиз ДР-дин образованидин ва илимдин министерстводин Гьуьрметдин грамотаяр ва къиметлу пишкешар гана.

Къейд авун лазим я хьи, республикадин конкурсдин жюридин член тир чи баркаллу районэгьли, «Каспийск шегьер» шегьердин округдин депутатрин Собранидин председатель Абдулвагьид Жаватова А. Шахбазован кIвалахдиз еке къимет гана.

Лагьана кIанда, кIелунин ва ахлакьдин рекьерай чешне тир Амирханаз школадин муаллимрин ва кIелзавайбурун патай лайихлу къиметни ава.

Хазран Кьасумов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

11