«Элкъвей столдин» кIвалахда иштиракна
24-мартдиз «Дагъустан» ГТРК-дин студияда «Хуьрерин территорияр комплекснидаказ вилик тухун» госпрограмма уьмуьрдиз кечирмишунин месэлайриз талукьарна «Элкъвей стол» кьиле фена.
Адан кIвалахда муниципальный райондин Кьил Нариман Абдулмуталибовани иштиракна. А карни къейд ийиз кIанзава хьи, и программада Кьиблепатан Дагъустандай анжах 2 районди иштиракзава: Сулейман-Стальский ва Ахцегьрин. «Элкъвей столдин» сергьятра аваз тешкилнавай и мярекатдин вахтунда райондин Кьил Нариман Абдулмуталибова «Дагсельхозстрой» ГКУ-дин директор Мегьамед Юсуфовахъ ва ДР-дин хуьруьн майишатдин ва суьрсетдин министрдин заместитель – статсекретарь Хирамегьамед Муртузалиевахъ галаз санал хуьрерин территорияр яшайишдинни экономикадин рекьерай тарихдин ва
цIийивилерин (новацийрин) бинедаллаз виликди тухунин мумкинвилер веревирд авуна. Анал гьакIни импортдин шейэр эвез авунин, суьрсетдин хатасузвилин, инвестиционный проектар уьмуьрдиз кечирмишунин къулай шартIар яратмишунин месэлайризни килигна.
Гуьруьшмишвилерин нетижада райондин Кьил Нариман Абдулмуталибованни республикадин гостелерадиокомпанидин руководитель Луиза Алихановадин арада ачух суьгьбет кьиле фена. Абуру республикадин массовый информациядин муниципальный такьатриз сада-садаз куьмек гунин, алакъа хуьнин месэлайризни килигна.
Куьре Абид
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
