Меню
6+

Сетевое издание «Кюре»

26.03.2021 14:46 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

«Кьве хьел» - сегьнеда

27-март – Виридуьньядин театрдин югъ

Лезгийрин СтIал Сулейманан тIварунихъ галай музыкадинни драмадин театрдин коллектив (директор – Динара Эминова) чпин пешекар суварин вилик уьзуьагъдаказ атанва. ИкI, вири уьлкведа тIвар-ван авай режиссер, РФ-дин искусствойрин лайихлу деятель Скандарбек Тулпарова лезги театрдин сегьнеда урусрин драматург Александр Володинан «Кьве хьел» пьесадин бинедаллаз цIийи тамаша сегьнеда эцигнава. Трагикомедия къадим девирда хьайи вакъиайриз талукьарнава, гьа са вахтунда, тамаша алай аямдихъ галазни хъсандиз кьазва.

«Кьве хьел» тамаша эцигнавай пьеса авторди ибрет жедай кьисадин жуьреда кхьенвайди къейдна кIанда. Дегь заманадин инсанрин арада девлетлуяр ва кесибар авайди тушир. Вири сад тир, са сихил, тайифадин чIехиди кьиле авай. КIвалерни авачир, инсанар яшамишни кьветIера, магъарайра жезвай. Инсанрал тIварарни алачир, анжах – лакIабар: Япар яргъиди, Тайифадин чIехиди, дяведин инсан, Зирекди, Хендеда, Нер яргъиди…

Дагъустандин лайихлу художник Демир Исакьова гьазурнавай къадим девирдин инсанрин аламатдин парталрай ва декорацийрин шикилрай гьа девирдин яшайиш лап гуьзгуьдай хьиз аквазва.

Ц1ийи тамашада тIвар-ван авай артистар тир Саидин Думаев, Руслан Пирвердиев, Зарифа Къухмазова, Гьамзабег Эмиралиев, Валерий Сулейманов, Амалия Керимова ва масабур къугъвазва.

Театрдин артистри «Кьве хьел» тамаша хуьрера къалурзава.

Х. Гьажибалаев

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

16