Меню
6+

Сетевое издание «Кюре»

26.03.2021 14:57 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Мегьамедрасулова Людмила Агъафендиевна

21-мартдиз вичи гзаф йисара Алкьвадар Гьасан-эфендидин тIварунихъ галай райондин центральный библиотекадин директор яз кIвалахзавай савадлу пешекар ва хъсан тешкилатчи Мегьамедрасулова Людмила Агъафендиевна чи арадай гьамишалугъ яз акъатна.

И къайи хабарди адан багърийрин, ам чидайбурун рикIер къарсурна.

Л. А. Мегьамедрасулова 1961-йисан 15-майдиз Кьасумхуьрел дидедиз хьана. Кьасумхуьруьн юкьван школа акьалтIарай ада зегьметдин биография Кьасумхуьруьн консервиярдай завода рабочийвилелай башламишна.

1981-1985-йисара ДГУ-дин библиотечный факультетда кIелна. 1985-йисалай эгечIна ада вичин уьмуьрдин эхиримжи декьикьайралди райондин центральный библиотечный системадин директорвилин жавабдар къуллугъ кьиле тухвана.

Ада регьбервал гайи ЦБС-дин коллективди гьамиша районда ва адалай къеце кьиле физвай культурадин мярекатра, суваррик активвилелди иштирак ийиз хьана.

Людмила Агъафендиевна Мегьамедрасуловадин гзаф йисарин намуслу зегьмет Россиядин культурадин работникрин профсоюздин ЦК-дин, ДР-дин культурадин министерстводин, «Куьредин ярар» центрадин комитетдин ва маса Гьуьрметдин грамотайралди, чухсагъулар малумаруналди къейднава. Адаз райондин культурадин отделдин руководстводин ва хайи коллективдин патай еке гьуьрмет авай.

Мегьамедрасулова Людмила Агъафендиевна чи арадай акъатунин хажалатдин пар паюналди чна адан багърийриз ва мукьва-кьилийриз башсагълугъвал гузва.

Адан экуь къамат чи рикIера гьамишалугъ яз амукьда.

Н. Ш. Абдулмуталибов, Ш. Гь. Мегьамедханов, Л. А. Оруджев, С. М. Темирханов, А. Д. Джаватов, А. Б. Фатулаев, Р. А. Абдулазизов, А. А. Мейланов, А. Б. Асланов, И. М. Ризаев, Д. С. Бабаев.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

13