Меню
6+

Сайт «Кюре»

26.03.2021 14:41 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Вечер метлеблуди хьана

И йикъара, Яран суварин вилик, И. Гь. Тагьирован тIварунихъ галай райондин Культурадин дворецдин гъвечIи залда Виридуьньядин шииратдин йикъаз талукьарнавай чIехи мярекат кьиле фена.

«Куьредин ярар» культурадин центради ЛПС-дин райондин отделеденихъ галаз санал тешкилнавай литературадин и вечердиз гьакI къунши районрайни яратмишдай интеллигенциядин векилризни теклифнавай.

Мярекат, аниз атанвай яратмишдай интеллигенциядин векилар тебрикна ва шииратдин югъ, Яран сувар мубарак авуналди, "Куьредин ярар" культурадин центрадин комитетдин председатель Агьмедпаша Агьмедпашаева ачухна ва вечер кьиле тухун и центрадин экспертный комиссиядин член, КТВ-дин корреспондент Мизамудин Магьмудавал тапшурмишна.

Вичин тебрикдин гафарилай гуьгъуьниз ада хайи халкьдиз, Дагъустандиз ва чи чIехи уьлкведиз Етим Эмин, Алкьвадар Гьасан-эфенди, СтIал Сулейман, Алибег Фатахов хьтин чIехи бажарагъар ганвай чи райондиз шаирринни камалэгьлийрин макан лугьун дуьшуьшдин кар туширди лагьана ва абрун рехъ алай вахтунда баркаллудаказ давамарзавайбурун жергедай яз Дагъустандин халкьдин шаир Майрудин Бабаханован, Сажидин Саидгьасанован, Шагьабудин Шабатован, Абидин Камилован ва масабурун тIварар кьуна.

Мярекатдал тебрикдин хуш келимаяр ва чпин эсерар гваз атанвай бажарагълу шаирар ва писателар тир Сажидин Саидгьасанов, Абидин Камилов, Нажмудин Шихнабиев, Хазран Кьасумов, Сейфудин Шагьпазов, Абдул Ашурагъаев, Ширинагъа Сулейманов, Юрмет Нагъиев, Назифа Юркъулиева, Тагъи Мегьамедов ва масабур рахана.

Виридуьньядин шииратдин йикъаз талукьарнавай межлис райондин культурадин Дворецдин гьевескар артистар тир Замир Гьажиева, Азим Ризаева ва Селимат Гьажиевади чи халкьдин манияр лугьуналди мадни гурлу авуна.

Шииратдин йикъан шадвилер чи халкьдин къадим суваррикай сад тир Яран сувари вичелди эвезна.

Куьре Абид

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2