Меню
6+

Сетевое издание «Кюре»

09.03.2021 10:00 Вторник
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Гьахъ-гьисаб авуна ва важиблу месэлайриз килигна

Алай йисан 26-февралдиз райондин депутатрин Собранидин председатель Штибег Мегьамедханован регьбервилик кваз Собранидин 7-сеферда хкянавай депутатрин кьуд лагьай заседание кьиле фена.

Адан кIвалахда райондин Кьил Нариман Абдулмуталибова, райадминистрациядин Кьилин заместителри, райондин идарайрин, организацийрин, федеральный ва республикадин органрин руководителри, хуьрерин поселенийрин администрацийрин кьилери, общественностдин ва СМИ-рин векилри иштиракна.

Заседанидин сергьятра аваз депутатар 8 месэладиз килигна.

2020-йисуз Россиядин МВД-дин Сулейман-Стальский районда авай отделди оперативно-служебный кIвалахдикай гьахъ-гьисабдин доклад отделдин начальник, полициядин подполковник Играм Османова авуна.

Хатасузвал таъминарунин ва къайдаяр хуьнин жигьетдай гьакIни райондин прокурор Фархад Акимов, общественный хатасузвал хуьнин рекьяй райадминистрациядин Кьилин заместитель Абуталиб Фатулаев, РУО-дин начальник Гьуьсейн Шихбабаев, Собранидин общественный хатасузвал хуьнин рекьяй комиссиядин председатель Агьмедулагь Шайдаев ва «сельсовет «Касумкентский» АСП-дин кьил Далгат Бабаев рахана.

Гуьгъуьнлай заседанидал районда чиликай менфят къачунин ва цIийи эцигунрин генеральный планар ва къайдаяр тестикьарунин (докладчи – АС-дин ва ЖКХ-дин отделдин начальник Виталий Алисенов), «Сулейман-Стальский район» муниципальный райондин Уставдик дегишвилер ва алаваяр кухтунин (докладчи – райадминистрациядин крар идара ийизвайди тир Рамазан Абдулазизов), 2020-йисан 28-декабрдиз 20-нумрадик кваз кьабулай «2021-йис ва 2022-2023-йисарин пландин девирда «Сулейман-Стальский район» МР-дин бюджетдин гьакъиндай» депутатрин Собранидин къарардик дегишвилер кухтунин (докладчи – райадминистрациядин финансовый отделдин начальник Балабег Ярагьмедов), «Сулейман-Стальский район» МР-дин муниципальный эменни приватизация авунин Положение тестикьарунин ва федеральный хсусиятдай муниципальный хсусиятдиз къачунвай санлай масаниз тухуз жедай эменни (школайрин автобусар) кьабулунин (докладчи – УМИЗ-дин начальник Назир Гьасанов), 2019-2021-йисара «Сулейман-Стальский район» МР-да рекьерин майишат вилик тухунин муниципальный Программа тестикьарунин ва общественный деятелар, меценатар тир Имам Яралиеваз ва Салман Бабаеваз райондин вилик еке лайихлувилерай «Сулейман-Стальский райондин гьуьрметлу гражданин» тIвар гунин месэлайриз килигна.

Собранидин заседанидал килигай вири месэлайрин тереф депутатри хвена ва абурай талукь къарарар кьабулна.

Заседанидал райондин Кьил Нариман Абдулмуталибов рахана, ада анал килигай район социально-экономический рекьерай вилик тухунихъ рекье тунвай месэлайрин важиблувал къейдна, АСП-рин кьилерихъ галаз санал депутатрин фикир госпрограммайра ва проектра иштиракунин мумкинвилер ахтармишна чирунал желб авун лазим тирди лагьана.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

9