Меню
6+

Сетевое издание «Кюре»

09.03.2021 09:52 Вторник
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

«Сагълам хуьр» проектдай куьмекда

И йикъара Сулейман-Стальский райондин Кьил Нариман Абдулмуталибов Москва шегьердин здравоохраненидин Департаментдин 115-нумрадин поликлиникадин урологиядин отделенидин заведующийвиле ва Москвадин 1-нумрадин Медси клиникадин больницада духтур-уролог яз кIвалахзавай чи ватандаш Загьир Агъамовахъ галаз гуьруьшмиш хьана.

Абуру райондин здравоохраненидин хиле санал кIвалахунин месэлаяр веревирдна.

Къейд ийиз кIанзава хьи, Загьир Агъамов медицинадин илимрин кандидат, «Москвадин духтур» тIварцIин сагьиб, мергьеметлувилин «Сагълам хуьр» («Здоровое село») проектдин тешкилатчи я. И проектди Москвадиз, Дагъустандиз медицинадин рекьяй куьмекар гузва.

Гуьруьшдин вахтунда Нариман Абдулмуталибован ва Загьир Агъамован арада здравоохраненидин гегьенш месэлайрикай ачух ва метлеблу рахунар кьиле фена.

Мартдин вацра чи районда здравоохраненидин хиле авай месэлаяр чирунин патахъай мониторингар тухуда. «Сагълам хуьр» проектдин сергьятра аваз алай йисан гатфариз Сулейман-Стальский райондин центральный больницада яшайишдинни мергьеметлувилин акция тухун пландик кутунва. Акциядин вахтунда ЦРБ-дин медицинадин пешекаррихъ галаз инсанриз тади куьмек гунай ва медицинадин махсус маса куьмекар авунай мастер-классар тухуда, районда здравоохраненидин вилик тухудай маса серенжемар тешкилда.

Райондин Кьил Нариман Абдулмуталибова «Сагълам хуьр» проектдай ва мергьеметлувилин кIвалахрай Загьир Агъамоваз чухсагъул лагьана.

 Хазран Кьасумов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

1