Сагъламвилин къаравулда
Уллу-Гъетягъар чи райондин чIехи ва къадим тарих авай хуьрерикай сад я.
Къагьриман рухвайралди ва баркаллу рушаралди машгьур тир ам райцентрадивай 12 километрдин мензилда яргъа ава. Зи аял вахтарни и зи хайи хуьре кьиле фейиди я.
Зи рикIел къе хьиз алама чи хуьре а йисарилай жемятдин сагъламвал хуьнин къаравулда акъвазнавай медсестра Садыкьова Аминат Межведиловнади кIвалахзавай. Ам, югъ-йиф талгьана, вуж кефсуз хьайитIани, жемятдин къуллугъда уяхдаказ акъвазнавай. Ада 1956-йисалай 2006-йисалди гьа са чкадал
медсестра яз намуслувилелди кIвалахна. Гьелбетда, 50 йисуз са чкадал галатун тийижиз кIвалах авун регьят кар туш.
Аминат бахдихъ галаз санал а йисарилай башламишна Уллу-Гъетягъай Вини-Хъартасрик кIвачи-кIвачи физ-хквез (а вахтара улакьарни са артух авайди тушир), хуьруьн жемятдин къуллугъда акъвазнавай Шихгьасанова Селем Селимовнадални гьахълудаказ дамах ийиз жеда. Адани 1966-2006-йисара саки 40 йисуз халкьдин сагъламвилин къуллугъда акъвазна кIвалахна, халкьдин арада лайихлу гьуьрмет къазанмишна. Гзаф йисара чIугур гьакъисагъ зегьметдай къе чаз Садыкьова Аминатаз ва Шихгьасанова Селемаз чухсагъул лугьуз ва алукьзавай 8-Мартдин гатфарин гуьзел югъ – дишегьлийрин сувар рикIин сидкьидай мубарак ийиз кIанзава.
Къуй чпин чанар сагъ ва кIвалера бахт, берекат хьурай!
Суьлгьуьжат Баламетова
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
