Юбилейдиз талукьарнавай турнир
Курхуьруьн 1-нумрадин юкьван школадин спортдин залда столдал къугъвадай теннисдай Сулейман-Стальский райондин турнир кьиле фена.
Дагъустандин Автономиядин I00 йис тамам хьуниз талукьарнавай турнирдин тешкилатчи райондин спортдин, туризмдин ва жегьилрин крарай Комитет тир.
Турнир 2 категориядай кьиле фена: 18 йисал къведалди ва 18 йисалай виниз яшара авайбурун арада. Санлай къачурла, акъажунра саки 150 касди иштиракна.
Лагьана кIанда, столдал къугъвадай теннисдай акъажунар лап къизгъиндаказ кьиле фена. Акъажунрин нетижада 18 йисал къведалди яшара авайбурун арада 1-чка А. Абдулманафова, 2-чка В. Бедалова ва 3-чка К. Абдуллаева кьуна.
18 йисалай виниз яшара авайбурун арада 1, 2 ва 3-чкайриз, талукь тирвал, А. Муслимов, А. Эмрягьов ва И. Алиев лайихлу хьана.
Турнирдин гъалибчийриз ва призерриз грамотаяр ва пулдин премияр гана.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
