Меню
6+

Сайт «Кюре»

19.04.2021 13:53 Понедельник
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Хъвадай цин месэладиз килигна

И йикъара Дагсельхозстройда Кьасумхуьрел хъвадай цин линияр тухудайла гьалтзавай бязи четинвилерин гьакъиндай месэладиз килигна

Совещанидин кIвалахда республикадин ва ведомствойрин руководителрилай, пешекаррилай гъейри гьакI чи райондин Кьил Нариман Абдулмуталибова, ДР-дин Халкьдин Собранидин депутат Гьамидулагь Мегьамедова, депутатрин райондин Собранидин председатель Штибег Мегьамедханова ва райондин УКС-дин начальник Роберт Мейланова иштирака.

Совещанидал Кьасумхуьрел хъвадай цин линияр тухудайла гьалтзавай са бязи четин месэлаяр веревирд авуна.

Кьилди къачуртIа, эцигунринни монтаждин кIвалахар кьиле тухудайла проектдинни сметадин документацияда са жерге дуьз кьан тийизвай гьалар арадал атанвайди малум жезва. ЦIийиз эцигнавай кIвалер, гьатта кьилдин куьчеярни проектдик кутунвач.

А карни къейд ийиз кIанзава хьи, эцигунрин проект ДР-дин «Дагестангражданкоммунпроект» ГУП-ди гьеле 2013-йисуз туькIуьрнавайди я. Адалай гуьгъуьниз алатнавай йисара и хуьруьн поселенидин къурулушда кар кьетIдай дегишвилер кьиле фенва, яшайишдин цIийи микрорайонар ва цIийи куьчеяр арадал атанва. Генани, проектдай яд дуьздал алай цин чешмейрай яд физвай турбайриз мажбуридаказ насосрин куьмекдалди ракъурна кIанзавайди я. Идани яд ишлемишзавайбуру гана кIанзавай гьакъидин кьадар артухарзава. Гьа са вахтунда авазва мумкинвал райондин центрадин къенепатан цин линияр насосрин куьмекдалди цIийи «Сардаркент-Даркуш-Казмаляр» магистральный водопроводдихъ гилигдай.

Виликдай и месэлаяр пешекаррин иштираквални аваз райондин дережада гьялиз хьанай.

Республикадин къурулушриз ва ДР-дин хуьруьн майишатдин министерстводиз авай месэлайрай дегишвилер тунин жигьетдай проектдинни сметадин документацийра делилар цIийи хъувунин, алава къуй (колодец) эцигунин теклифар ганай.

Совещанидал авур рахунрин нетижайрин бинедаллаз кар кьетIдай къарарар кьабулна, абуру райондин центрадин агьалияр хъвадай целди таъминарунин гьал аквадайвал хъсанвилихъди дегишардайдал са шакни алач.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

12