Меню
6+

Сетевое издание «Кюре»

19.04.2021 13:49 Понедельник
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Онлайн-совещанида иштиракна

12-апрелдиз райондин Кьил Нариман Абдулмуталибова республикадин руководстводи кьиле тухвай онлайн-совещанида иштиракна.

Дагъустандин Кьилин везифаяр вахтуналди тамамарзавайди тир Сергей Меликова Республикадин государстводин ва муниципальный гьукумдин органрин руководителрихъ галаз санал кIвалахдин жигьетдай РФ-дин экономикадин рекьяй вилик тухунин министр Максим Решетников чи региондиз атунин месэлайрай авай нетижаяр веревирд авуна. Вичин кIвалахдин йикъан сергьятра аваз федеральный министр республикадин кьве муниципалитетдиз – Махачкъаладиз ва Дербентдиз фена. Гьа са вахтунда анал вири Дагъустандиз талукь месэлаярни веревирд авуна ва авай кимивилер арадай акъуддай рекьер жагъуриз алахъна. Сифте нубатда вилик акъвазнавай месэлайрикай сад инвестицийрин майданар вилик тухун я.

Ихьтин майданар арадал гъидайла абур яратмишдай мумкинвал гудай вири терефар ва мумкинвилер фикирдиз къачуна кIанда. Кьилинди артуханвилерин а майданар вилик эцигнавай макьсаддихъ галаз кьадайбур хьун я, яни цIийи рабочий чкаяр арадал гъун, экономикадин жигьетдай менфятлубур авун, — къейд авуна Сергей Меликова.

Региондин Кьил гьакIни хуьруьн майишатдин продукция гьасилзавайбурун кIва лахдал, кьилди къачуртIа, теплицайрални акъвазна.

Муниципалитетрин кьилерихъ элкъвена рахуналди субъектдин руководителди вири хуьруьн майишатдин карханайри, налогар гуналди, инвестицияр кардик хутуналди, жуьреба-жуьре социальный проектар кьилиз акъудуналди, республика патал кIвалах авун важиблу тирди къейдна.

Республикадин Кьил хуьруьн майишатдин маса хилеризни таъсир ийизвай, гьа жигьетдай яз уьзуьмчивални вилик тухузвай, чилин месэладални гегьеншдаказ акъвазна, ада гьакIни фикир хсусият авайбурухъ галаз алакъаяр мягькемарунин чарасузвилел желбна, са бязи чкайра чиликай кьитвал аваз са бязи хуьрера социальный объектар эцигдай мумкинвал тежезвайдини къейдна.

Совещанидал республика патал важиблу маса месэлайризни килигна. Гьа гьисабдай яз, банкротвилин цIарцIел атанвай ГУП-рин ва МУП-рин топливно-энергетический комплексрин кIвалах вилик тухунин, хуьруьн майишатдин продукция гьялдай производствояр кардик кутунин ва маса месэлайризни килигна.

А. Камилов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

16