Меню
6+

Сетевое издание «Кюре»

19.04.2021 14:00 Понедельник
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Спортдин хабарар

Дагъустандин кIвенкIвечивалкъазанмишна

10-11-апрелдиз Сардархуьруьн спорткомплексда Дагъустан республикадин кIвенкIвечивал патал 11-13-йисарин яшда авай жаванрин арада дзюдодай акъажунар кьиле фена. Ана республикадин районрай ва шегьеррай саки 170 жегьил спортсменди иштиракна.

Мярекатдиз мугьман хьайи «Сулейман-Стальский район» муниципальный райондин Кьил Нариман Абдулмуталибова спортсменриз тебрикрин ва алхишрин келимаяр лагьана. Ада, гьакIни, акъажунриз республикадин спортсменрин арада авай дуствал, спортдин рекьяй устадвал ахтухарунин карда чIехи метлеблувал авайди ва иштиракчийриз агалкьунар хьана кIанзавайди къейдна.

Мярекатдал мадни тебрикрин гафар гваз райондин спортдин, туризмдин ва жегьилрин крарай комитетдин директор Надыр Эфендиев, образованидин управленидин кьил Гьуьсейн Шихбабаев ва дзюдодинни самбодин ДЮСШ-дин директор Тельман Къурбанов рахана.

Республикадин кIвенкIвечивал патал кьве йикъан сергьятра аваз кьиле фейи бягьсера спортсменри чпихъ хъсан гьазурвал ва гъалибвилин къаст авайди къалурна. Нетижада командайрин арада Сулейман-Стальский райондин спортсменри 1-чка кьуна.

Акъажунрин гъалибчияр ва призерар кубокралди, медалралди ва грамотайралди къейдна.

Республикадин турнирда 2-чка кьуна

И йикъара Кьурагьрин хуьре итимрин арада волейболдай 48-республикадин турнир кьиле фена. Мярекат Советрин гьукуматдин Игит Эсед Салихован экуь къаматдиз бахшнавайди тир.

Акъажунра Сулейман-Стальский райондин команда 2-чкадиз лайихлу хьана.

Турнирдин гъалибчийриз ва призерриз кубокар, медалар, грамотаяр ва пулдин пишкешар гана.

ММА-дай акъажунра тафаватлу хьана

9-11-апрелдиз Кисловодск шегьерда Россиядин сергьятра аваз ММА-дай акъажунар кьиле фена.

Ана Сулейман-Стальский райондай тренерар тир Б. Бабаеван ва З. Абдулкамалован гъилик чирвилер къачузвай 5 жегьил спортсменди иштиракна.

Мярекатда чи райондай тир Сулейман Къадиевани Эмир Агьмедова 1-чкаяр кьуна. Амрид Эседов ва Мадрид Ашурбеков 2-чкайриз лайихлу хьана.

Райондин спортдин, туризмдин ва жегьилрин крарай комитетди жегьил спортсменрихъ мадни чIехи агалкьунар жедайдахъ умудзава ва спонсорвилин куьмек авунай Аслан Шагьпазоваз, Вадим Шагьпазоваз, Марат Алияроваз, Муслим Альдероваз, Вагьид Жаватоваз, Раким Гьайвазоваз, Шихмегьамед Рамазановаз ва Закир Бремоваз чухсагъул лугьузва.

Зарият Агъарагьимова

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

12