Меню
6+

Сетевое издание «Кюре»

19.04.2021 13:55 Понедельник
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

ЦIийи кIелунин йисуз цIийи школадин ракIарар ачухда

И йикъара райондин Кьил Нариман Абдулмуталибова Алкьвадрин юкьван школадин цIийи дарамат ишлемишиз вахкуз гьазур хьанвай гьал ахтармишна.

110 аялди кIелдай чкаяр авай алай аямдин кьве мертебадин дарамат «Комплексное развитие сельских территорий» программадай эцигзавайди я. Интенсивное развитие АПК, кьилди къачуртIа, «Полоса» ООО-ди «Стальские сады» проект уьмуьрдиз кечирмишуни райондиз и Госпрограммада иштиракдай мумкинвал гана.

Школадин эцигунрин кIвалахрин заказчик ДР-дин «Дагсельхозстрой» ГКУ ва подрядчикни «Капитал» ООО хьана. Эцигунрин кIвалахар гьеле 2020-йисуз акьалтIарна.

Алай вахтунда ана чирвилер гунин еридин кIвалах кьиле тухудай вири шартIар яратмишнава. Ана гегьенш классар, пищеблок, столовая, чIехи спортзал, мини-футболдин майдан ава. Гьар мертебада рекреационный площадкаяр, чими санузелар ава, герек мебель ва маса инвентарь, пищеблок ва спортзал патал герек тадаракарни къачунва, рекьер къайдадик кутунва. Школадиз къвезвай рекье райондин администрацияди къир цанва.

Школадин дараматдиз килигайдалай гуьгъуьниз райондин Кьили арадай акъудна кIанзавай са бязи кIвалахарни къейдна ва абур цIийи кIелунин йис алукьдалди тамамарунин тапшуругъ гана, меслятар къалурна.

Эхирдай ада райадминистрациядиз Алкьвадрал виликан куьгьне школадин дарамат алай чкадал аялрин цIийи ясли-бахча эцигиз кIанзавайдини къейдна.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

0