Меню
6+

Сетевое издание «Кюре»

19.04.2021 13:51 Понедельник
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Важиблу гуьруьшмишвал

14-апрелдиз райондин Кьил Нариман Абдулмуталибов ДР-дин Гьукуматдин Председатель Абдулпатах Амирхановахъ галаз гуьруьшмиш хьана.

Анал къарагъарай месэлаяр яшайиш вилик тухуниз, гьа гьисабдай яз образованидиз, здравоохраненидиз, мелиорациядиз, рекьерин инфраструктурадиз ва газдалди таъминарунин месэлайризни талукьбур тир. Виликдай абурун гьакъиндай республикадин талукь тир къурулушриз кагъазар-тIалабунар рекье турди я.

Райондин Кьили лагьайвал, анал къарагъарай хцидаказ акъвазнавай месэлайрикай сад образованидин учрежденийрин цIийи дараматар, эцигун ва куьгьнебур ремонт авун я. Анал къейд авурвал, чIехи пай образованидин идараяр гьеле алатай асирдин 60-70-йисара эцигнавайбур я, абур капитальный ремонт авуна кIанзава. 2009-йисалай райондин образованидин 29 тешкилат (22 школани 7 аялрин ясли-бахча) аварийнибурун реестрда ава. Им республикада авай виридалайни чIуру гьал я. Школайрикай сад кирида кьунвай дараматда ава. 450 хизан (хозяйство) авай ЦIийи Мамрачрин хуьре социальный са объектни авач.

Райондин аялрин бахчайра аялар кьабулдай чкаяр бес жезвач. И жигьетдай авай игьтияж таъминаруни анжах 26,5 процент тешкилзава. Имни республикада виридалайни агъуз тир дережа я.

Гьа са вахтунда эхиримжи йисара чкадин бюджетдин такьатрин гьисабдай районда 35 млн. манатдин къиметдихъ Кьасумхуьрел аялрин бахчадин дараматдихъ алава яз пай гилиг хъувуна, Вини-СтIалдал, Кьулан-СтIалдал ва НуьцIуьгъа аялрин бахчайра аялрин алава группаяр тешкилна.

2017-2018-йисара меценатрин такьатрин гьисабдай Цмурдал 120 аялди кIелдай чкаяр авай алай аямдин школа ва Сардархуьре 60 аял патал аялрин ясли-бахча эцигна, кардик ква. Меценатри авур харжийрин умуми кьадарди 150 млн. манат пул тешкилна.

2020-2021-йисара «Комплексное развитие сельских территорий» госпрограммадай софинансированидин шартIара Агъа-СтIал-Къазмайрал 400 аялди, Алкьвадрин хуьрени 110 аялди кIелдай чкаяр авай школайрин дараматар эцигзава. И школаяр эцигун патал проектдинни сметадин документацияр гьазуруниз меценатри 8 млн. манат пул гана.

Райондин Кьили гуьруьшдин вахтунда ДР-дин Гьукуматдин Председателдивай чкIидай гьалда авай школайрин гьакъиндайни жедай куьмекар гун тIалабна. Анал гьакI са жерге маса месэлаярни веревирд авуна.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

8