Меню
6+

Сетевое издание «Кюре»

02.04.2021 14:57 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Чирвилерин ери хкажин

Сулейман-Стальский районда вацра садра тухузвай образованидин организацийрин руководителрин совещание кьиле фена. Адан кIвалахда райондин Кьил Нариман Шамсудинович Абдулмуталибова, образованидин управленидин пешекарри ва СМИ-дин векилри иштиракна.

Совещанидал КIахцугърин юкьван школадин кIвалах комплекснидаказ ахтармишунин нетижаяр кьуна ва образованидин хилехъ галаз алакъалу маса месэлайриз килигна.

Школадин кIвалах комплекснидаказ ахтармишунрин нетижайрикай совещанидал РУО-дин информациядинни методический центрадин директор Муминат Бабахановади ва методистар тир Муминат Гьуьсейновади, Сабир Керимова, Саяд Аллагьвердиевади, Марина Межидовади гегьенш рахунар авуна. Малум хьайивал, школада хъсан кIвалахар тIимил авач. Гьа са вахтунда, гьял тавунвай месэлаяр, кIвалах зайифдиз тешкилнавай терефар, рехъ гузвай кимивилерни гзаф ава. ИкI, кIелзавайбурун чирвилерин ери, санлай къачурла, зайиф я, школьникар ктабралди бес кьадарда таъмин туш. Школадин кIелунин кабинетар алай аямдин техникадалди тамамвилелди таъмин туш, санлай школадин материально-технический базани зайиф я. Школада предметрай кружокар кардик квач… И ва маса кимивилерикай лугьуналди, «ИМЦ» МКУ-дин методистри школадин руководстводин фикир выпускникар экзаменриз гьазур хьунин кIвалахдал гуьзчивал артухарна кIанзавайдал, тарсарай зайиф аялрихъ галаз алава серенжемар тухун чарасуз тирдал, муаллимрин чирвилерин дережа хкажуниз фикир гунал ва маса месэлайрал желбна.

Школадин руководстводи (директорди ва кIелунин рекьяй адан заместителди) РУО-дин пешекаррин туьгьметрал разивал къалурна, кимивилер арадай акъудун патал муаллимрин коллективди чалишмишвал ийидайдахъ инанмишарна.

Мадни, Гьуьсейн Шихбабаева къейд авурвал, Кьасумхуьруьн 1-нумрадин юкьван школада, кIелзавайбурун чирвилерин ери хкажунин мураддалди урус чIалай, литературадай, математикадай, тарихдай, обществознанидай, химиядай ва биологиядай муаллимрин мониторинг тухвана. Ахтармишунар райондин образованидин управленидин пешекаррихъ галаз Дагъустан Республикадин образование вилик тухунин институтдин векилри тухвана.

Совещанидин нетижаяр райондин Кьил Нариман Абдулмуталибова кьуна. Ада лагьайвал, КIахцугърин хуьруьн яшайишдин инфраструктура лап зайифдиз вилик фенва. ЯтIани акьалтзавай несилдиз чирвилер ва тербия гунин месэла эглеш тавуна гьялун чарасуз я. Гзаф крар муаллимрин чирвилерин дережадилай, кар чиз авунилай, РУО-дин пешекаррин, кьилди къачуртIа, ИМЦ-дин методистрин гуьзчивилелай аслу я. КIелзавайбурун диде-бубаярни образованидин месэлайривай къерех хьана кIандач.

- Чирвилерин ери хкажунин мураддалди КIахцугърин юкьван школада хьтин комплекснидаказ ахтармишунар райондин амай школайрани кьиле тухуда, — лагьана Нариман Шамсудиновича. – КIелзавайбуруз дерин чирвилер гунин бине сифтегьан классра эцигна кIанда. Им лап важиблу месэла я.

Хазран Кьасумов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

11