Меню
6+

Сетевое издание «Кюре»

02.04.2021 15:16 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Гатфарин призыв - 2021

Ингье, тIебиатдин гуьзел вахтарикай сад тир гатфарни алукьнава, адахъ галаз сад хьиз, 18 йисалай 27 йисал кьван фидалди яшар хьанвай жегьилар чи уьлкведин Яракьлу Къуватриз къуллугъ ийиз рекье твадай гатфарин призывдин вахтни алукьнава.

И кIвалах тешкилнавай гьалдикай суьгьбет авун чна Сулейман-Стальский ва Кьурагь районрин саналди тир военкоматдин военный комиссар подполковник Женетов Рейзудин Сейфулаевичавай тIалабна. Агъадихъ чна адан суьгьбет гузва.

- РФ-дин Президент Владимир Путина алай йисуз акъуднавай Указдин бинедаллаз 1-апрелдилай 15-июлдалди 18 йисалай 27 йисал кьван фидалди яшар хьанвай жегьилар Россиядин Яракьлу Къуватра къуллугъ ийиз рекье тунин ва чпин къуллугъдин гьакъикъи вахт куьтягь хьанвайбур военный частарай ахъаюнин жавабдар кIвалах кьиле фида.

Уьлкведин Президентдин Указдихъ галаз кьадайвал, ДР-дин Кьили республикада 1-апрелдилай вири районра, гьа гьисабдай яз чи ва Кьурагь районрани, призывдин ва медицинадин комиссияр тешкилунин жигьетдай распоряжение акъуднава. Адан бинедаллаз чи райондани райондин Кьил Нариман Шамсудинович Абдулмуталибов председатель яз призывдин комиссия, гьа рекьерай призывникрин сагъламвилин гьал ахтармишдай ва талукь къарар акъуддай пешкар духтуррикай ибарат тир медкомиссия тешкилнава.

Жегьилар медицинадин рекьяй поликлиникада ахтармишунар кьиле фейидалай гуьгъуьниз абурун нетижаярни гваз медкомиссиядал къвезва, ахпа абуруз йикъан нисинилай кIвалахзавай призывдин комиссияди талукь тир къарар акъудзава ва тайинарнавай са юкъуз военный частариз рекье твазва.

Гатфарин призывдин вахтунда чи ва Кьурагь районрай вири санлай кьурла 80 касдилай виниз жегьилар къуллугъ ийиз армиядин жергейриз рекье твада.

Идахъ галаз сад хьиз, чна военный училищейриз ва институтриз кIелиз физ кIанзавайбурун (11-классра кIелзавайбурун) арзаяр кьабулда ва жедай вири куьмекар гуда.

Контрактникар яз физ кIанзавайбур чна призывдин вахтунда армияда къуллугъна хтанвайбур рекье твазва.

Генани герек тир меслятрин ва справкайрин жигьетдай агьалийривай гьи вахтунда хьайитIани юкъуз военный комиссардин патав къвез ва я 3-44-60 нумрадин телефондиз зенг ийиз жеда.

ИкI, апрелдин сифтегьан йикъалай эгечIна районда гатфарин призыв башламиш хьанва, призывникар медицинадин рекьяй райондин ЦРБ-да ахтармишунар кьиле фида, ислен йикъалай медкомиссийрини чпин кIвалах башламишда.

Къуй дуьнья ислягь, чи веледрин кьилелни ачух цав хьурай!

- Маракьлу суьгьбетдай чухсагъул, гьуьрметлу военный комиссар.

Суьгьбет кхьейди – Абидин Камилов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

7