КIелзавайбуру алакьунар къалурна
Сулейман-Стальский райондин «Централизованная библиотечная система имени Гасана-эфенди Алкадарского» МБОК-да (ЦБС-да) Вирироссиядин «Аялрин ва жаванрин ктабрин гьафтедин» сергьятра аваз библиотекайрай ктабар къачуз кIелзавай школьникрин арада шиирар хуралай кIелунай конкурс кьиле фена.
Дагъустандин Автономиядин 100 йисан юбилейдиз талукьарнавайди тир.
Конкурсда библиотекайрай ктабар къачуз кIелзавай 28 школьникди иштиракна. Дагъустандин халкьдин шаирар тир СтIал Сулейманан, Хуьруьг Тагьиран эсерар хьиз, абуру алай аямдин шаирар тир Сажидин Саидгьасанова, Хазран Кьасумова, Абдул Ашурагъаева, Ася Абасовади, СтIал Мислимата, Сулейман Пашаева, Ражадулагь Салманова ва маса авторри Дагъларин уьлкведикай кхьенвай шиирарни кIелна.
Библиотекайрин кIелзавайбур тир Селминат Кьасумовадин (Эминхуьр), Амира Алибековадин (ДаркIуш Къазмаяр), Мина Загьировадин (НуьцIуьгъ), Арина Таибовадин (Курхуьр), Хакима Миримовадин (Агъа-СтIал), Равият Рустамовадин (Ичин), Элина Рамазановадин (Вини СтIал), Хизри Рагьимован (ЦIийи Макьар), Сулейман Къарабекован (Агъа-СтIал Къазмаяр), Румина Савзихановадин (Герейханован хуьр) ва маса конкурсантрин алакьунриз жюриди хъсан къимет гана.
Конкурсда шиирар хуралай кIелунай тафаватлу хьайибуруз «Централизованная библиотечная система имени Гасана-эфенди Алкадарского» МБОК-дин Гьуьрметдин грамотаяр ва тешкилатчийрин патай къиметлу пишкешар гана.
Текст кхьейди ва шикил ягъайди Х. Кьасумов я
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
