Меню
6+

Сетевое издание «Кюре»

02.04.2021 15:31 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

«Куьре Мелик – дилавар шаир ва алим»

Виридуьньядин Шииратдин йикъан вилик ихьтин кьил алаз кIелзавайбурал чи чIехи шаир ва мазан Куьре Меликан 680 йис тамам хьуниз (2020-йис) талукьарна «Куьредин ярар» культурадин центрада чапдай акъуднавай ктаб агакьна.

Ам гьазурайди адан хайи ватан Курхуьрелай тир чи райондин лезги чIаланни литературадин тарсар гузвай муаллимрин ассоциациядин руководитель ва шаир Гуьзел Межидова я.

Саки 80 чиникай ибарат тир, шаирдин шикил алай, рангунин жилдер алаз чапдай акъуднавай и ктабда шаир яшамиш хьайи девирдикай «Тарихдай», «Куьре Мелик – зурба шаир, алим ва аратор», «Куьре Меликан тухумдикай», «Куьре Мелик» куьруь кьилер алаз, материалар ганва. Ана гьакIни «Куьре Меликан са шумуд шиир, гьа жергедай яз адан «Мусибат – наме» поэмани ва бейтер ганва. И ктабда гьакIни Куьре Меликаз бахшна чи шаирри кхьенвай шиирарни ганва.

Виридуьньядин Шииратдин йикъан вилик чапдай акъуднавай и ктаб лезги шииратдал, Куьре Меликан яратмишунрал рикI алайбур патал хъсан савкьат хьана.

Куьре Абид

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4