Меню
6+

Сетевое издание «Кюре»

02.04.2021 15:26 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Райондин кIвенкIвечивал патал

И йикъара Кьасумхуьрел, ДЮСШ-дин спортдин залда, Сулейман-Стальский райондин кIвенкIвечивал патал школьникрин арада азаддаказ къуршахар кьунай акъажунар кьиле фена.

Ам ачухунин мярекатдал райондин Кьил Нариман Абдулмуталибов тебрикдин ва алхишдин келимаяр рахана, ада турнирдин тешкилатчийрихъ ва жаван спортсменрихъ агалкьунар хьана кIанзавайди лагьана.

Тебрикдин келимаяр гваз анал РУО-дин начальник Гьуьсейн Шихбабаев ва спорткомитетдин директор Надыр Эфендиевни рахана.

Надыр Эфендиева шад гьалара Нариман Абдулмуталибоваз ва Гьуьсейн Шихбабаеваз «100 лет вольной борьбы» юбилейдин ктабарни гана.

Акъажунра райондин ДЮСШ-ра вер дишвилер къачузвайбуру ва райондин саки вири школайра кIелзавайбуру иштиракна. Абуру заланвилин 32, 38, 46, 58, 63 ва 69 категорийрай бягьсер тухвана.

Райондин кIвенкIвечивал патал тухвай акъажунра чпин заланвилин категорийрай 1-чкаяр Билал Асалиева, Межид Межидова, Рагьим Алискерова, Артем Фатахова ва Мадрид Ашурбекова, 2-чкаяр Мухаммед Агьмедова, Шамиль Тагьирова, Эмир Агьмедова, Сулейман Бейбалаева ва Саид Амаханова, 3-чкаяр Рамазан Къачаева, А. Велиметова, Навруз Шайдабекова, Исакь Мегьамедова ва Эскендар Эскендарова кьуна.

Акъажунрин гъалибчийриз ва призерриз грамотаяр, медалар ва кубокар гана.

Хазран Кьасумов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

9