Меню
6+

Сетевое издание «Кюре»

02.04.2021 15:01 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Семинар кьиле фена

И йикъара И. Гь. Тагьирован тIварунихъ галай райондин Культурадин дворецдин гъвечIи залда сентябрдин вацра кьиле фидай сечкийриз гьазурвилер акунин серенжемрин сергьятра аваз общественный гуьзчивалдайбурухъ галаз чирвилер гунин семинар кьиле тухвана.

Малум тирвал, сечкияр алай йисан 19-сентябрдиз кьиле фида.

Сечкидин кампанийрин мониторингар кьиле тухунихъ ва сечкичияр хабардар авунихъ галаз санал гуьзчивал тухудайбуруз чирвилер гун республикадин Общественный палатдин майдандал арадал гъанвай сечкияр кьиле финал гуьзчивал тухузвай Общественный штабдин везифайрик акатзава.

Интенсивный ва интерактивный къайдада чирвилер гунин кьве йикъан вахтунда ДР-дин Общественный палатадин членар тир Агьмед Ильдарова ва Мегьамедрасул Абдурагьманова Сулейман-Стальский райондин 40 кас гуьзчивал тухудайбуруз чирвилер гана кIанзава. И чирвилер гунин сифте юкъуз, абуру семинардин иштиракчийриз вилик акъвазнавай сечкийрикай, асул везифайрикай, законодательный базадин асул хилерикай, Россиядин сечкидин къурулушдин цIийивилерикай, сечкидин участкадин кIвалахдин кьетIенвилерикай ва адан везифайрикай суьгьбет авуна, гьакIни Интернетдин сетда эцигнавай гуьзчивал кьиле тухузвайбур патал Россиядин ЦИК-ди туькIуьрнавай программадикай лагьана.

Къейд ийиз кIанзава хьи, кьве йикъан къене кьиле фейи районрин уртах семинардин программа РФ-дин Общественный палатади гьазурнавайди я.

Куьре Абид

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

10