«Умуддин» патай премияр

Халкьди виш йисара арадал гъайи культура, милли искусство хуьник, вилик тухуник чпин пай кутазвай бажарагълу инсанарни райондай гзаф акъатна. Чи йикъарани абурун кьадар тIимил туш. Культурадин, искусстводин милли девлетар хуьник чпин еке пай кутазвай, гьа идалди райондин тIвар яргъарани машгьурзавай са шумуд кас и йикъара муниципальный райондин Кьил Нариман Абдулмуталибова шад гьалара кьабулна. И кардихъ вичин себебни авай: культура хуьнай ва вилик тухунай райадминистрациядин культурадин отделдин начальник, Дагъустандин халкьдин шаир Майрудин Бабаханов, Россиядин журналистрин Союздин член, писатель Гьажи Ильясов, «Кьасумхуьруьн далдамчияр» ансамблдин руководитель Агъарагьим Агъарагьимов, ЦБС-дин методист Гелин Рамазанова, аялрин музыкальный школадин преподаватель Виталий Пирсенов ва аялрин художествнный школадин кIелунин рекьяй

заведующий Нарима Эмирчубанова Имам Яралиеван Мергьеметлувилин «Умуд» фондунин патай пулдин призриз ва сертификатриз лайихлу хьана. Абурув призар ва сертификатар «Умуд» фондунин векил Савин Велиева шад гьалара вахкана, тебрикдин келимаяр лагьана.

Пулдин призар ва сертификатар мубарак авунихъ галаз санал, райондин Кьил Нариман Абдулмуталибова районда культурадин хиле тухузвай кIвалахрикай, райондихъ хьанвай агалкьунрикай, вилик акъвазнавай везифайрикай рахунар авуна.

Мадни, райондин Кьили инанмишвал къалурна хьи, бажарагълу культработникрин куьмекни галаз районда «Культура» милли проектдай вилик эцигнавай кIвалахар кьилиз акъудиз жеда.

Пулдин призар ва сертификатар къачунвайбурун тIварунихъай Дагъустандин халкьдин шаир Майрудин Бабаханов рахана. Ада чпин зегьметдиз чIехи къимет гунай, тебрикдин келимайрай «Умуд» фондунин руководстводиз, райондин Кьил Нариман Абдулмуталибоваз чухсагъул лагьана.

Хазран Кьасумов