Меню
6+

Сетевое издание «Кюре»

09.04.2021 15:08 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Бушлухриз экъечIна - 60 йис

1961-йисан 12-апрелдиз «Байконур» космодромдилай Советрин Союздин космонавт Юрий Алексеевич Гагарин аваз «Восток» тIвар алай космосдин гими цавун бушлухриз экъечIна.

Ада дуьньяда сифте яз алемдилай цIар элкъуьрна. Сад лагьай космонавтди каинатда 108 декьикьада лув гана.

1968-йисуз Международный авиациядин федерациядин Советдин къарардин бинедаллаз и югъ Виридуьньядин космонавтикадин, 2001-йисан 7-апрелдиз ООН-дин Генеральный Ассамблеяди инсанди космосдиз лув гайи международный югъ яз малумарна.

Юрий Гагарин цавун бушлухриз, Чилин шардин винел хкаж хьайи, адаз каинатдай тамашай сад лагьай инсан хьана.

1961-йисан 6-7-августдиз летчик-космонавт Герман Титова «Восток-2» гимида аваз цавун бушлухриз хкаж хьана, алемдилай са суткада лув гана.

Гьа и йисан 11-15-августдиз дуьньяда сад лагьай сеферда космонавтар тир А. Николаева ва П. Поповича «Восток-3» ва «Восток-4» кьве гимида аваз саналди космосдиз лув гана.

Абурун арада гъвечIи мензил ва чеб-чпихъ галаз алакъани авай. Цавун бушлухрай абур 4 суткадилай чилел хтана.

Гележегда чи уьлкведи космос ишлемишунихъ галаз алакъалу гзаф рекордар эцигна…

Дуьньядин космонавтика вилик тухуник Дагъларин уьлкведин хва Муса Манаровани вичелай алакьдай пай кутуна. Ам кьведра цавун бушлухриз хкаж хьана.

Космонавтикада цIийивилер тунин, бушлухриз экъечIдай цIийи гимияр ахтармишунин карда Мегьамед Толбоевани хейлин зегьмет чIугуна.

Алай вахтунда Россия космосдин пачагьлугъ яз дуьньяда сад лагьай чкадал ала.

Гьазурайди – Х. Гьажибалаев

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3