Питомник кутуна
Дуьзмишунин ва къелемар цунин вацран сергьятра аваз райондин администрациядин багъдин участокда къелемар гьасилдай питомник кутун патал субботник кьиле тухвана.
Экологиядин и серенжемда райондин Кьил Нариман Абдулмуталибова, райадминистрациядин къурулушрин работникри иштиракна.
Чилин тегьердиз килигна туькIуьрнавай дизайн-проектдихъ галаз кьадайвал, райадминистрациядин работникри 5 гектардин майданда цацар хьтин пешер алай (хвойный) ва гьамиша къацу пешер жедай кIеви кIарасдин тарарин (самшит) I500-дав агакьна къелемар цана, къелемриз ядни гана.
Лагьана кIанда, Нальчикдай къачунвай къелемар, чIехи хьайила, райондин социальный объектрин территорийра цада.
Са рахунни алачиз, ида чи хуьрер, общественный территорияр авайдалайни гуьрчегарда.
Асият Мирзалиева
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
