Меню
6+

Сетевое издание «Кюре»

09.04.2021 14:57 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Жегьилрин парламентдин цIийи состав тайинарна

И йикъара «Сулейман-Стальский район» муниципальный райондин депутатрин Собранидин председатель Штибег Мегьамедханован къаюмвилик кваз райондин жегьилрин парламентдин заседание кьиле фена.

Анал тешкилатдин цIийи состав тайинарна. Парламентдик муниципальный идарайрин векилрин, студентрин ва волонтеррин жергейрай тир 17-30-йисарин яшда авай жаванар кутуна. Заседанидин иштиракчийрин къарардалди парламентдин председателвиле Фарид Девлетханов хкяна. Адан заместителдин мажбурнамаяр Амир Гьамидован хиве туна.

ЦIийиз хкянавай регьберди вичиз ихтибар авунай чухсагъул лагьана ва кIвалахдин пландикай хабардарна.

Заседанидал гьакIни парламентдин 3 комиссиядин составар тестикьарна. Абурун председателар яз Гуьлизар Рамазанова, Мадина Эрзиханова, Жамалдин Казимов, Тагьибат Мегьамедова ва Фатуллагь Мирзешерифов хкяна.

Гуьгъуьнлай парламентдин членри вилик акъвазнавай мярекатрин календардин план тестикьарна ва жегьилар общественно-социальный проектриз желб авунин месэлаяр веревирдна.

Заседанидин эхирдай райондин депутатрин Собранидин председатель Штибег Мегьамедханова жегьилрин парламентдиз кIвалахдай са шумуд рехъ къалурна ва адан нетижа хъсан жедайдахъ умуд кутуна.

Зарият Агъарагьимова

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

19