ЧIехи шаирдиз бахшна
Дагъустандин халкьдин шаир, «ХХ асирдин Гомер» СтIал Сулейман хайи йикъан вилик райондин образованидин управленидин ИМЦ-ди райондин школайрин 7-классра кIелзавай аялрин арада чIехи шаирдикай метлеблу куьруь сочиненияр кхьинин жигьетдай конкурс малумарнавай.
Махсус жюриди нетижаяр кьурла, 1-чка Агъа-СтIал-Къазмайрин СОШ-дин ученик Абдуллаев Агьмедаз, 2-чкаяр Герейханован хуьруьн 1-нумрадин СОШ-дин ученица Жалилова Аминадиз ва Курхуьруьн 1-нумрадин СОШ-дин ученик Абдуразакьов Жамалаз гана. 3-чкайриз Цмуррин СОШ-дин ученица Ягъибегова Фатима ва Кьулан СтIалрин СОШ-дин ученица Фатахова Самира лайихлу хьана.
Абурун эсеррай чи аялрин патай 20-асирдин ягь-намус яз хьайи чIехи шаир СтIал Сулейманаз авай гьуьрмет, адан эсеррал рикI хьун ачухдаказ аквазва.
Куьре Абид
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
