Меню
6+

Сетевое издание «Кюре»

17.05.2021 10:05 Понедельник
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Пак Рамазандин вацран ифтарар

Сив хуьнин суварин вилик (Ид аль Фитр) Туьркияда яшамиш жезвай лезгийрин диаспаради Сулейман-Стальский райондиз ифтарар кьиле тухун патал пулунин такьатар рекье тунвай.

Райондин Кьил Нариман Абдулмуталибовахъ галаз кьиле фейи гуьруьшдал диаспарадин векилди райондин имамрин Советдин председатель Гьасан Амахановав 327 агъзур манат пул вугана.

Ифтарар, виликамаз икьрар хьайивал, райондин хуьрера кьиле тухуда. Идалайни гъейри, пак Рамазандин вацра тIимил таъмин тир хизанриз алава яз 57000 манат пул гуда.

Райондин Кьил Нариман Абдулмуталибова чпин атабубайрин ватанда илимдинни руьгьдин ва диндинни культурадин уьмуьрда иштирак авунай Туьркияда яшамиш жезвай лезгийриз чухсагъул лагьана.

- Пак Рамазандин вацра чун сад ийизва, ида лезгийрин арада культурадинни тарихдин ивирар мягькемаруниз куьмекзава. Туьркияда яшамиш жезвай лезгийри чпин атабубайрин баркаллу крариз вафалу хьунин, тарихдиз гьуьрмет авунин хъсан чешне къалурна. Ихьтин мергьеметлу крар чи патайни жеда. Къуй чи гьар садан рикIер гьар са кас, Сад тир Аллагь кIан хьунин гьиссерив ацIурай!

Къейд авун лазим я хьи, Туьркияда яшамиш жезвай лезгияр виликдайни Сулейман-Стальский райондиз атанай. Кьилди къачуртIа, Рамазан Кор, Умар Акбаш, Мухамед Ашир, Селяхетдин Акмажа ва Хаятдин Шен райондин руководстводихъ, общественностдихъ галаз гуьруьшмиш хьанай.

Вичин патай яз Сулейман-Стальский райондин руководстводи Туьркияда яшамиш жезвай лезгийрихъ галаз дуствилин алакъаяр мадни мягькемардай серенжемар кьиле тухузва.

***

Пак Рамазандин варз акьалтI хьуниз талукьарнавай вирирайондин ифтар Кьасумхуьрел И. Тагьирован тIварунихъ галай Культурадин дворецдин вилик квай майдандал кьиле фена. ЧIехи столрал милли хуьрекар, хъвадай мижеяр, сокар эцигнавай.

Райондин имамрин Советди тешкилнавай ифтарда 200-далай виниз инсанри иштиракна. Ифтар тухуниз пулунин такьатар Туьркияда яшамиш жезвай лезгийрин диаспаради ахъайнавай.

Ифтарда райондин Кьил Нариман Абдулмуталибова, райондин имамрин Советдин председатель Гьасан Амаханова, Кьиблепатан территориальный округда ДР-дин Муфтиятдин векил Хусейн Гьажиева, Кьурагь райондин имам Агьмед Бабаева, Дербентдин Жуьмя мискIиндин имам Шамил Рагьманова, райадминистрациядин Кьилин заместителри, хуьрерин поселенийри динэгьлийри, мергьеметлу «Инсан» фондунин векилри, райондин агьалийри иштиракна.

Ифтардал тебрикдин келимаяр райондин Кьил Нариман Абдулмуталибов, Рамазандин вацран кьетIенвилерикай райондин имамрин Советдин председатель Гьасан Амаханов рахана, динэгьлийри нашидар кIелна, диндиз талукь манияр лагьана.

***

9-майдиз халкьдин кьегьал хва ва меценат Имам Яралиева Агъа-СтIалрин хуьруьн стадиондин территориядал янавай алачухдик ифтар тешкилна. Ам Къуръандай аятар ва Рамазан вацран дуьаяр кIелунилай башламиш хьана.

Ифтарда райондин Кьил Нариман Абдулмуталибова, ДР-дин Халкьдин Собранидин Комитетдин председателдин заместитель Гьамидулагь Мегьамедова, райондин имамрин Советдин председатель Гьасан Амаханова, жавабдар маса работникри, динэгьлийри, хуьруьнвийри иштиракна.

Райондин Кьил Нариман Абдулмуталибова ва Гьасан Амаханова мергьеметлу мярекат тешкилунай Имам Музамудиновичаз чухсагъул лагьана.

Рамазандин варз ифтардин иштиракчийриз И. М. Яралиева мубаракна, и вацран кьетIенвилер къейдна.

Ифтар хъсан тешкиллувал аваз кьиле фена.

Хазран Кьасумов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2