Меню
6+

Сетевое издание «Кюре»

21.05.2021 15:08 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Гьукуматдин комиссия – районда

Алай йисан 17-майдиз ДР-дин Кьилин везифаяр вахтуналди тамамарзавай Сергей Меликован тапшуругъдалди Дагъустандин Кьилин ва Гьукуматдин Администрациядин руководителдин куьмекчи Ражаб Идрисов ва ДР-дин Халкьдин Собранидин депутат Сафидин Мурсалов кIвалахдин рекьяй Сулейман-Стальский райондиз атана, абуру районда COVID – вакцина ягъунин кIвалах кьиле физвай гьал ахтармишна.

И месэладиз абур райондин Кьил Нариман Абдулмуталибовахъ галаз кьиле фейи гуьруьшдал килигна. Гуьруьшда гьакIни райадминистрациядин Кьилин заместителри, райондин центральный больницадин кьилин духтур Жафер Къурбанисмаилова иштиракна.

Нариман Абдулмуталибова ва Жафер Къурбанисмаилова къейд авурвал, районда коронавирусдин аксина рапар ягъунив 2021-йисан январдин вацран эхирра эгечIна. И девирда ЦРБ-ди пуд сеферда 1208 дозадин кьадарда аваз «Гам-Ковид-Вак» вакцина къачуна, сифтегьан раб 1047 касди, кьве рабни 726 касди янава. Санлай къачурла, районда 17852 касди коронавирусдин аксина рапар ягъун лазим я. Рапар ягъун давам жезва.

Жафер Къурбанисмаилова алава хъувурвал, ЦРБ-дин медработникри, агьалийриз регьятвал хьун патал, хуьрериз фена рапар ягъунин кIвалахни тешкилнава. ИкI, духтурри ЦIийи Макьарин, КIварчагърин, Агъа-СтIалрин, Цмуррин, Эминхуьруьн поселенийрин администрацийра и кIвалах тешкилна.

Райондин Кьил Нариман Абдулмуталибова къейд авурвал, районда коронавирусдин азар чкIунин вилик пад кьун патал тайин кIвалах тухузва. Важиблу и кардик меценатри, кьилдин организацийрини лайихлу пай кутазва. Республикадин Оперативный штабдин къарардалди райондин центральный больницадиз компьютерный томографни чара авуна. Адан кьилдин дарамат эцигун патал муниципальный къуллугъчийри, жуьреба-жуьре организацийрин работникри ва меценатри саки 3 миллион манат пул кIватIна. Дараматда къенепатан кIвалахар тухун ва тадаракар къачун патал 3 миллион манат пул республикадин бюджетдайни ахъайна. Объект мукьвара ачухдайвал я.

Гьукуматдин комиссиядин векилар тир Ражаб Идрисов ва Сафидин Мурсалов районда коронавирусдиз акси рапар ягъунин кIвалах тешкилнавай гьалдилай рази яз амукьна.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3