Меню
6+

Сетевое издание «Кюре»

28.05.2021 13:32 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Гьазур хьанвай гьал ахтармишна

Алай йисан 23-майдиз райондин Кьил Нариман Абдулмуталибова ЦРБ-дин патав эцигнавай компьютерный томографиядин отделение ачухуниз гьазур хьанвай гьал ахтармишна.

Малум тирвал, 4 кIваликай ибарат тир са мертебадин дарамат эцигун патал муниципальный къуллугъчийри, медработникри ва меценатри саки 3 миллион манат пул кIватIна. Гьа и кьадар пул (3 миллион) дараматдин къене патар тадаракламишун ва тадаракар эцигун патал, республикадин бюджетдайни ахъайнай.

Райондин больницадиз «Сименс» компьютерный томограф республикадин ковиддиз акси Оперативный штабдин къарардалди ганай.

Объектдал эцигунрин кIвалахар 2020-йисан октябрдин вацра башламишнай. Алай вахтунда объект ишлемишиз вахкуниз тамамвилелди гьазур я.

ЦРБ-дин кьилин духтур Жафер Къурбанисмаилова ва цIийи отделенидин медработникри райондин Кьил Нариман Абдулмуталибов цIийи объект ачухуниз гьазур хьанвай гьалдихъ галаз танишарна.

- Райондин агьалияр патал еке метлеб авай ва агьалийри фадлай гуьзлемишзавай компьютерный томограф ачухунин мярекат чешнелудаказ кьиле фин лазим я, — лагьана Н. Абдулмуталибова. – Ам шад гьалара ачухуниз Дагъустан Республикадин здравоохраненидин министр Татьяна Беляевадизни теклифнава. – Адаз чна райондин здравоохраненидин хиле авай гьалдикай, вилик кумай месэлайрикайни лугьуда.

Н. Абдулмуталибов аялрин поликлиникадин кIвалахдихъ галазни таниш хьана.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

4