Ремонтрин кIвалахар тухузва
Райондин Кьил Нариман Абдулмуталибов и йикъара ЦIийи хуьруьн юкьван школадин территориядал мини-футболдин майдан капитальнидаказ ремонт хъувунин кIвалахар кьиле физвай гьалдихъ галаз таниш хьана.
Лагьана кIанда, 2011-йисуз эцигай спортдин и объект чIуру гьалдиз атанвай. 2020-йисан эхирра Дагъустан Республикадин спортдин министерстводай мини-футболдин майдан цIийикIа туькIуьр хъувун патал цIийи тадаракар гана.
Ремонтрин кIвалахар чкадин бюджетдин такьатрихъ кьиле тухузва, мукьвал вахтара ремонтрин кIвалахар акьалтIарун пландик кутунва.
Райондин Кьил Нариман Абдулмуталибова ремонтрин кIвалахар тухузвай пешекаррихъ галаз ихтилатар авуна.
Лагьана кIанда, школадин территориядал мини-футболдин майдан районда сифтебурукай яз эцигна. Ана гьар жуьредин турнирар тухузва, жегьилри ва аялри вердишвилер къачузва.
Санлай къачурла, районда мини-футболдин 8 майдан ава, мукьвал вахтара мад 3 майдан ахциг хъийида.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
