РикI алай пешедин иеси
Вирироссиядин библиотекай- рин йикъан вилик заз вичин вири савадлу уьмуьр марифатдин кардиз бахш авунвай инсандикай рахаз кIанзава.
Ам «Умуд» фондунин премиядин сагьиб Исрафилова Исли я.
Эхь, рикIи чIугвадай пешеяр гзаф ава, амма ада библиотекарвилин пеше хкяна, 41 йисан къене адаз вафалу яз ама. Ада 1979-йисалай башламишна райондин музыкальный школадин делопроизводителвиле кIвалахна, ахпа КДЦ-дин директор хьана. Адалай гуьгъуьниз, 1980-йисалай эгечIна, къенин йикъалди Алидхуьруьн библиотекадин заведующийвиле кIвалахзава.
- Гзафни-гзаф библиотекадиз къвезвайбур школада кIелзавай аялар я. За аялрихъ галаз суьгьбетар, гьар темайрай мярекатар, утренникар, викторинаяр кьиле тухузва. Аялри кIелиз экологиядай, астрологиядай ва художественный ктабар къачузва, — лагьана Исли Исрафиловади.
КIвалахзавай 41 йисан къене адахъ герек ктабар хкягъиз, герек литература меслят къалуриз хъсан тежриба хьанва.
Вичин пеше лап хъсан чидай, еке тежриба ва чирвилер авай пешекар, вичин кеспидиз вафалу тир адаз хуьруьнвийрин, кIвалахдин юлдашрин арада еке гьуьрмет ва авторитет ава.
Мад идалайни еке вуч бахт хьурай!
- Зи пеше, за рикI ацукьна хкягъай, библиотекарвал я! – лугьузва дамахдивди Исли Исрафиловади.
Мадина Эрзиханова
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
