Меню
6+

Сайт «Кюре»

02.07.2021 10:09 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Шиирар кIелунай конкурс

Райондин центральный библиотекада лезгийрин къагьриманвилин «Шарвили» эпосдин Йикъаз талукьарна «Шарвили – чи лезги халкьдин дамах» лишандик кваз шиирар кIелдайбурун конкурс кьиле фена. Ана ЦБС-дин саки вири филиалрин кIелдайбуру иштиракна.

Конкурс аялрин библиотекадин заведующий Тамум Загьировади ачухна ва кьиле тухвана.

«Шарвили» эпосдин кье-тIенвилерикай, акьалтзавай несил ватанпересвилин руьгьдаллаз тербияламишунин карда адан важиблувиликай ЦБС-дин директор Назила Шихбабаевади рахунар авуна.

Конкурсантрин алакьунриз пешекаррикай ибарат тир жюриди къимет гана. Ана сад лагьай чка ЦБС-дин Эминхуьруьн филиалдин (заведующий Алла Буржалиева) кIелзавайди тир Селминат Кьасумовади кьуна.

Конкурсдин сергьятра аваз центральный библиотекада «Шарвили» — чи руьгьдин лувар» ктабрин выставкани акъуднавай.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

7