Меню
6+

Сайт «Кюре»

14.02.2022 09:07 Понедельник
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Республикадин совещанийра иштиракна

Алатай гьафтеда Дагъустан Республикадин Гьукуматдин Председателдин заместитель Абдулмуслим Абдулмуслимова иеси авачир гьайванрихъ эгечIунин кIвалах тешкилунин рекьяй месэладай совещание кьиле тухвана. Месэла гьялунин карда Дагъустан Республикадин ветеринариядин рекьяй Комитетдин руководителдин 1-заместитель Сергей Попандопулоди, ДР-дин хуьруьн майишатдин ва суьрсетдин министрдин заместитель Эмин Шихгьасанова иштиракна.

Видеоалакъадин къайдада совещанидин кIвалахда Сулейман-Стальский райондин Кьил Нариман Абдулмуталибовани иштиракна.

***

Сулейман-Стальский райондин Кьил Нариман Абдулмуталибова Дагъустан Республикадин Гьукуматдин вице-премьер Манвел Мажонеца образованидин идарайрин объектар капитальнидаказ ремонт авунин программа уьмуьрдиз кечирмишунин месэладай тухвай совещанидин кIвалахдани ВКС-дин къайдада иштиракна.

Совещанидал алай месэла фикирдиз къачуналди, къейд ийиз кIанзава хьи, «Развитие образования» программадин сергьятра аваз капитальныдаказ ремонт хъийидай школайрик Сулейман-Стальский райондай 4 школа кутунва: ЦIийи Макьарин СОШ (кьве корпус), 1-нумрадин Кьасумхуьруьн СОШ, ЦIийи поселокдин СОШ (1-нумрадин корпус) ва Кьулан СтIалрин СОШ.

***

Россиядин МЧС-дин ДР-да авай Кьилин управленида кьиле фейи республиканский совещанидал 2021-йисуз гражданский оборонадай, кьетIен гьаларикай таъкимарунин ва чIуру гьалар арадай акъудунин, цIай кьунрикай хуьнин ва цин объектрал агьалийрин хатасузвал хуьнин жигьетдай тухвай кIвалахдин нетижаяр кьуна ва 2022-йисуз тухудай кIвалахар тайинарна.

И месэлайрай совещанидал Россиядин МЧС-дин ДР-да авай ГУ-дин начальникдин 1-заместитель Олег Колпиков ва жавабдар маса юлдашар рахана.

Видеоалакъадин къайдада совещанидин кIвалахда Сулейман-Стальский райондин Кьил Нариман Абдулмуталибова ва райадминистрациядин ГО-дин, ЧС-дин отделдин начальникдин заместитель Къазиагьмед Абумуслимова иштиракна.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5