Сад лагьай чка кьуна

И йикъара Дагъустандин Огни шегьерда боксдай жегьилрин арада «Открытый ринг» лишандик кваз турнир кьиле фена. Ана республикадин Кьиблепатан территориальный округдин районрайни шегьеррай тир 18 командади иштиракна. Спортсменрин кьадар 115-дав агакьзавай.

Сулейман-Стальский райондин спортдин, туризмдин ва жегьилрин крарай Комитетди 1-нумрадин ДЮСШ-дихъ галаз санал ракъурай чи райондин командади турнирда 1-чка кьуна.

ДЮСШ-дин тренер-преподаватель Альберт Межидова чаз лагьайвал, турнирда 1, 2 ва 3-чкаяр кьур спортсменри Дагъустан Республикадин кIвенкIвечивал патал Каспийск шегьерда кьиле фидай акъажунра иштиракда.

Камил Кьасумов, Эминхуьруьн СОШ-дин 8-классдин ученик