Меню
6+

Сайт «Кюре»

21.02.2022 10:46 Понедельник
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Оперштабдин нубатдин заседанидал

14-февралдиз райондин Кьил Нариман Абдулмуталибован регьбервилик кваз коронавирусдин инфекция чукIунин вилик пад кьунин жигьетдай кардик квай оперативный штабдин нубатдин заседание кьиле фена.

Анал куьруь информация гайи райондин больницадин кьилин духтур Жафер Къурбанисмаилова къейд авурвал, суткада коронавирусдик начагъ хьайибурун кьадар районда вичин тайин дережадив агакьнава. Агьалийри вакцинация ва ревакцинация кьиле тухун давамарунилай гзаф крар аслу жеда. Ада рикIел хкайвал, и жигьетдай хъсан гьал арадал атун патал мартдин варз алукьдалди райондин 75% агьалийри вакцинадин рапар ягъун герек я. Къенин йикъалди и рекъемди пландин бинедаллаз 63 процентдилай виниз тешкилзава.

ЦРБ-дин делилралди, районда 118170 кас диз ковиддин ак-сина рапар янава. Яшар хьанвайбуруз рапар ягъун давам жезватIани, аялрикай рапар ягъиз кIанзавайбур авач. Начагъбур сагъар хъувунин вахтни тIимил жезва.

Райондин больницадин инфекционный отделенида больницадилай къецяй стIалжемдикди начагъ тир 19 кас ава. Абурукайни 4 кас ковиддик начагъбур я.

Гьафтедин къене сифте яз ковид кваз жагъанвай (положительный яз) 120 дуьшуьш малум хьана. Медицинадин рекьяй гуьзчивилик кваз кIвалера 133 кас сагъар хъийизва (алатай гьафтеда 689 кас авай).

Адет хьанвайвал, ковиддиз акси оперативный штабдин протоколрин тапшуругъар ва республикадин санитарный кьилин духтурдин къарарар кьилиз акъудун тешкилнавай гьалдикай информация гваз общественный хатасузвилин рекьяй райадминистрациядин Кьилин заместитель Абуталиб Фатулаев рахана.

Райондин Кьилин 1-заместитель Лацис Оруджева вичиз куьмек гайи райондин больницадин инфекционный отделенидин стационарда медицинадин рекьяй къуллугъ авунин еридин ва авай шартIарин гьакъиндай вичин фикирар лагьана.

Районда авай алай эпидемиологиядин гьалдиз баян гуналди, эхирдай анал рахай райондин Кьил Нариман Абдулмуталибова исятда арадал атанвай рази жедай гьал хуьн патал кар кьетIдай серенжемар кьабулуниз, жавабдарвал хкажуниз эвер гана.

Абидин Камилов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

19