Меню
6+

Сетевое издание «Кюре»

21.02.2022 10:55 Понедельник
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

ЦIийи микрорайондиз газ гъана

Сулейман-Стальский районда «Хуьрерин территорияр комплекснидаказ вилик тухун», «Шегьердин къулай шартIар арадал гъун», «Зи Дагъустан – зи рекьер», «Чкадин теклифар» программайрайни проектрай еке кIвалах тухузва, идан нетижада хуьрер, общественный территорияр дуьзмишзава, агьалийрин яшайиш ва дуланажагъдин шартIар хъсан жезва.

Эхиримжи йисара райондин хуьрерни чIехи ва гуьрчег жезва, анра цIийи микрорайонар, куьчеяр арадал къвезва. Анриз электроэнергиядин, газдин линияр тухун, агьалияр хъвадай целди таъминарун патални еке кIвалах тухузва. И рекьерай Эминхуьре тухузвай кIвалахарни гзаф я. ИкI, эхиримжи 2-3 йисан къене хуьре аялар къугъвадай майданни галай парк ва мини-футболдин майдан эцигна.

Хуьре 1990-2000-йисара арадал атай микрорайонда агьалийри газдин линияр чпин къуватралди ва какатайвал тухванвай. Къулайсуз хьунилай гъейри, и кар хаталуни тир. И кар фикирда кьуналди, райондин руководстводин чалишмишвилер себеб яз, 400-дав агакьна кIвалерин майишатар авай микрорайондиз «Хуьрерин территорияр комплекснидаказ вилик тухун» Госпрограммадай газдин цIийи турбаяр тухвана. КIвалахрин заказчик «Дагсельхозстрой» ГКУ тир. Куьчейра газдин линияр тухунин кIвалахар подряддин организация тир «Нефтекумское СМУ» ООО-дин махсус бригадади еридивди кьилиз акъудна. Микрорайонда цIийиз тухванвай газдин линийрин яргъивал, санлай къачурла, 26 километр я.

Лагьана кIанда, цIийи микрорайондиз эквер, хъвадай ядни гъанва, куьчейриз херхем вегьенва, трансформатор эцигнава.

- Микрорайондин агьалийри газдин линияр тухунай райондин администрациядиз, заказчик тир ва подряддин организацийриз чухсагъул лугьузва, — лагьана чаз Эминхуьруьн АСП-дин кьил Сабир Юзбекова. – Хуьре цIийиз арадал атанвай мад кьве микрорайон ава, анрани дуьзмишунин ва аваданламишунин кIвалахар кьиле тухузва. И кIвалахрик хуьруьн агьалийри чпин пайни кутазва.

Хазран Кьасумов

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

0