Меню
6+

Сайт «Кюре»

21.02.2022 10:51 Понедельник
Категории (2):
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Важиблу месэлайриз килигна

И йикъара Сулейман-Стальский районда общественный хатасузвал хуьнин рекьяй райондин Кьилин заместитель Абуталиб Фатулаева сифте яз 2022-йисуз яш тамам тахьанвай аялрин крарай ва ихтияррай заседание кьиле тухвана.

Заседанида КДН ва ЗП-дин секретарь Аминов Мегьамедвилиди, опекадин отделдин начальник Велиева Айидади, УСЗН-дин директор Бремов Жавидина, ОДУУП ва ПДН-дин старший инспектор Ибрагьимов Валеради, спортдин, туризмдин ва жегьилрин крарай Комитетдин вахтуналди везифаяр кьилиз акъудзавайди тир Абдулмежидов Чингиза, прокурордин куьмекчи Закавов Рашидбега, ИМЦ-дин директордин заместитель Абдуселимова Венеради ва яш тамам тахьанвай аялрин диде-бубайри иштиракна.

Заседанидал тахсиркарвилер арадал татун патал, НВФ-дин терг авур членрин, Ближный Востокдай дяве хьайи чкайрай хтанвай аялар яшамиш жезвай хизанрихъ галаз тухвай кIвалахрин нетижайрикай анал рахай юлдашри информацияр гана.

Общественный хатасузвал хуьнин рекьяй райондин Кьилин заместитель ва гьакIни КДН ва ЗП-дин председатель Абуталиб Фатулаева комиссияди тухузвай кIвалахдин Пландин менфятлувилиз къимет гана. Ада гьакIни четин аялар авай хизанрин гьар къатарин яшайишдинни-психологрин ва яшайишдинни дуьз рекьел хкунин крариз фикир гун меслят къалурна.

Заседанидал 26 административный материалриз килигна.

С. Баламетова

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

6